المشاركة الأصلية كتبت بواسطة shadowfax

السلآم عليكم أختى
كلامك كله صح و أنا واحد من اللى يشاركون بالمواضيع و الردود وفى الأخر صاحب الموضوع لايرد على ما قلته من وجهة نظرى فهو بذلك التصرف لا يحترمنى ولا بيحترم كلامى و بسبب هذة المواقف المتكررة من بعض الأعضاء بعينهم و على فكرة مش أنا بس اللى مش بيرد عليه و كمان بعض الأخرين الذين يخالفونه فى وجهات النظر و يرد على من يوافقة
بصراحة دى حاجة تزعل و تخلينى أفقد الثقة في الأعضاء اللى بيكتبوا المواضيع
و كمان هذا التصرف يجعلنى أتسائل قبل المشاركة فى أى موضوع ما الذى سأستفيدة من كتابة رأيى طالما لن يصيبنى إلا التجاهل و إضاعة مجهودى فى الكتابة و حزنى على الوقت المستنزف فى كتابة الرد أو المشاركة
و أكييد أنتى عارفة أن كلامى صح و بصراحة أنا مش بشارك فى أى مواضيع إلا مواضيع أصدقائى اللى أنتى أختى واحدة منهم .. لأنهم بيحترموا رأيي و بيردوا عليا
أما الذى ليس صديق لى أو لا أعرفة فأنا لن أشارك فى موضوعهم
هتقولى صوابعك مش زى بعضها لأنك مصرية مثلى وطيبة و أكيد أنتى عارفة الأمثال بتاعتنا الشهيرة
المهم أنا أظن أن السبب فى عدم ثقتى فى باقى الأعضاء هو بسبب المشرفين و أرجو ألا يزعل حد من كلامى لأن لو كان كل مشرف يتفحص و يراقب المواضيع ما كان ذلك ليحدث

أرجو الرد ولا هتعملى زى التانين