رد: وش تقول لشخص اللي في بالك
الله من قلبن ليا منه ادلج
لو هو بجون فيه للناس صجه
يذوي مثل مايذوي الطير بالعج
مع خايعن ما يندرا وين فجه
ماينتبه للي ينادي ليا سج
وليا انتبه كن الشباري تخجه
لابد من يومن به الهم يفرج
عن كل عينن بالسهر مستلجه
الله على اللي تو رقمه يبرمج
ماصار فيه من المطانيج رجه
اسرع من الزورق ليا منه امرج
واسبق من اللي بالاشعه يوجه
جمسن ليا قامت قزوزه تواهج
ضاعن عريضات الرفارف بعجه
من نقره العارض يفج القور فج
ويخلي الشملول بين الاحجه
خدن تحت مزنه بروقه تلا عج
نبته من الوسمي غسوله منجه
لو مابها الا الذيب والطير الابلج
ناخذ بها عن ضيقه الصدر صجه
عن مجمعن به راعي الحق يفلج
بعض البشر فرقاه عمره وحجه
العد نكاها الضواري ليا رج
والمر تنفاها الكبود وتزجه
والمر تفاها الكبود وتزجه
وسلاااامتكم
كنت مع الشاعر// سلمان الحربي
|