منتديات العاشق - عرض مشاركة واحدة

ℓєℓσυcн · #1 02-07-2013, 07:54 PM

اڷسڷام عڷيڪم ۈرحمـۃ اڷڷـہ ٺعاڷى ۈبرڪاٺہ

أسعد اڷڷـہ صباحڪم ۈمساڪم بأڷف خير إن شـاء اڷڷـہ.. !!

ۈ اهلا

بجميع اعضاء منتدي العاشق وخاصۃ رواد القسم الادبي

اتمني تڪۈنۈا بأتم اڷصحة ۈاڷعافيۃ إن شاء

اليوم اقدم لكم ان شاء اڷڷـہ رابع مواضيعي بالقسم الادبي ان شاء الله يعجيكم

وهو عبارة عن قصص ساخره مكونه من عشرة اجزاء بعنوان يوميات صيدلي

ان شاء الله تعجبكم

اقدم لكم اليوم الجزء الرابع

ستجدون في نهاية القصه شرح لأصعب المعاني

ويرجي اذا لم تفهموا اي كلمه من القصه

تكتبوها في الرد حتي اعدل الموضوع وأضع شرح ليهم حتي يستفيد باقي الاعضاء

واسف علي عدم الالتزام بالجدول الزمني بسبب اقتراب المدارس

ارجوا ان ينال اعجابكم هذا الجزء

تنبية .القصه خياليه ولا تمت للواقع بصله والشخصيات الموجودة بها واقع الخيال
واي تشابه بينها وبين الواقع فهو اغرب من الخيال
اه نسيت اقولكم هذه القصه لجميع الاعمار
( المصريين فقط يعرفون هذه مقدمه اي )

العاملون علي الموضوع

مؤلف القصه : dr.mahmoud elmakawy صديقي العزيز
فكرة وتنسيق وكتابه الموضوع : lelouch lamperouge
تصميم : Assa550ssino المبدع دائما
تدقيق ومراجعه ووضع المفاهيم الصعبه : khaled2103
البنر

(يوميات صيدلى) .... الحلقه الرابعه

الحته حر اوى النهارده و الظهر لسا مأذن دلوقتى وانا مكسل اقفل الصيدليه واروح أصلي ف الجامع عشان الحر ده .. هاتوضى وأصلي هنا وخلاص

لأ يا مجدى ميصحش كده .. أقفل الصيدليه وروح صلي ف الجامع عشان ربنا يكرمك كده وترجع تلاقى روشته مخ وأعصاب حلوه كده

عمللها متين جنيه مستنياك وتكون فاتحة خير عليك إن شاء الله .....

المهم .. قفلت الصيدليه وفى طريقى للجامع

وانا معدى عالصيدليه المنافسه اللى جنبى ف نفس الشارع لقيت حاجه غريبه جدا ..
الحاج ابراهيم (بتاع الانسولين) خارج من الصيدليه

وفي أيده حقنه مكستارد 100 اللى ب 31 جنيه
اه يابن التيييييت يا حج ابراهيم

بقي أنا طالع عين اهلى كل يوم وبديلك الحقنه والصيدليه جنب البيت وتروح تجيبها من بره ؟؟

وأتارينى كل ما أسأله وأقوله انت بتشترى حقنه الانسولين منين ؟ يقولى بصرفها كل شهر من

التامين .. قال يعنى التامين بيصرف انسولين ..

ماشى يا حج أبراهيم .. ابقى شوف مين هيعبرك بعد كده ويديك الحقنه.

روحت صليت ورجعت .... لمحت عن بعد واحده واقفه قدام الصيدليه وفى ايديها روشته ..

ياااافرج الله .. إن شاء الله روشته مخ واعصاب وهنشتغل النهارده يا معلم ..

الست عماله تبص حواليها وشكلها مستعجله .. الله دى بدأت تمشى ..... بدأت اجرى عشان الحقها ..
- يا ابلاااااااااه .. انا جيت خلاص اهو
- ايه يابنى العطله اللى عملينهالنا دى ؟؟ .. ساعه واقفه بستنى ؟ :S
- معلش يا ابله كنت بصلى ..عندى انا دى
:D

خدت الروشته منها وبسمى وبقرأ فيها لقيت :
R/analerge tab
والدكتور كاتب تحت الاسم:
(شريط واحد بس واوعى يديكى شريطين )
:D:D

دا إيه النتانه اللى الدكتور فيها دى .. ماتكتبلها حبيتين وخلاص ..

-يا إبني خلصنى وهات اللى مكتوب بس وبلاش بديل لو سمحت

-بديل إيه يا ست انتى .. دا الشريط بجنيه واحد وفيه يجى 80 حبايه .. عايزه ايه اكتر من كده ؟؟

- بجنيه؟؟ .. يعنى 75 قرش بعد الخصم يعنى

- اتفضلى يا ابله الروشته بتاعتك اهيه انا مببعش اصلا .. الله يخرب بيوتكوا زباين هاتجيبولنا الشلل
.......

انا جُعت أوى ونفسى آكل حاجه .. أما اتصل بماما كده أشوفها طابخه ايه النهارده

- ألو ... ايوا يا ماما .. عامله ايه النهارده عالغدا ؟؟

- بامية

- طاب ماتعمليش حسابى ف الغدا النهارده .. هو يوم اسود من اوله اصلاً
:S

هابعت الواد فتحى العجلاتى يجيبلى شيبسى وحاجه ساقعه واتغدى فى الصيدليه وخلاص ...

- ولاااا يا فتحى خد اقولك

- ايوا يا دكتشووور .. اامرنى

- خد ياض وروح هاتلى كيس شيبسى عائلى بالجبنه المتبله وشويبس جولد اناناس كانز مش ازازه

.. فهمت ولا اقولك تانى ؟؟ انا عارفك غبى وهاتنسى

-عيب عليك يا دكتشووور فوريره
:D

الواد مشى من هنا ولقيت راجل كبير داخلى......

-والنبى يابنى عايز مكنة حلاقه من النضيفه دى

- فيه بجنيه وربع و ب 3 جنيه و فيه مكنه جيليت فيكتور جنيه من اللى بتحلق عشر مرات

دى و فيه حاجه تانيه بقه نضيفه اسمها جيليت فيوجن بس دى غاليه حبتين يا حاج

- بكااااام يعنى ؟؟

- ب55 جنيه وشفراتها ب 25 جنيه للشفره الواحده

- لييييييييييييييييه؟؟؟؟ هيا بتحلق لواحدها ولا اييييييييييييه ؟؟... هاتلى من اللى بجنيه وربع انجز
:D
......
بينى وبينكوا الناس معزوره برضه .. يعنى الراجل هيدفع 55جنيه عشان يحلق دقنه ؟؟ مايربيها

احسن وخلاص ...
........
الواد فتحى لقيته راجع وبيقولى :
- معلش يا دكتشور ملقيتش بالجبنه المتبله جبتلك قلبظ بالكاتشب
:D
- انت حمار ياله قلبظ ايه ؟؟ روح رجعه بسرعه .. وفين الشويبس ؟

- شويبس ايه ؟

- انت هاتستعبط ياله

- انت مش قايلى هاتلى بست تفاح ؟؟

:D:D

To Be Continueee .... ^_^

الاجزاء السابقة

يوميات صيدلي s1

يوميات صيدلي s2 ‏

يوميات صيدلي s3
ها وقد وصلنا الي نهاية الجزء الرابع من السلسله

ارجو ان تعجبكم

ملاحظات
شكرا للمبدع خالد

بعض المعانى الصعبة:
الحته حر : يقصد بالحته المنطقة او الجو
انسولين : علاج مرضى السكر
شويبس جولد أناناس : مشروب مثل البيبسى والكوكاكولا
قلبظ : مثل الشيبسى تقريباً لكن للصغار وصورة له هنا
بست تفاح : عصير تفاح

ها وقد وصلنا الي نهاية الجزء الرابع من السلسله

ارجو ان تعجبكم اسستودعكم المولـى