اقتباس:
المشاركة الأصلية كتبت بواسطة e-s-l
السلام عليكم ورحمة الله وبركاته..
أدخل مباشرة للموضوع
عزيزي المنحبكجي موضوع النقاش هو الأزمة السوريّة , الثورة السورية , الدماء السورية , من يقتل الشعب السوري , من يدمّر المدن السورية وبيوت المواطنين والمساجد والمدارس والكنائس .. الخ , من هجّر السوريين من ديارهم ,
باختصار من الذي يقوم بعمليات النهب والقتل والتدمير والتهجير واعتقال وخطف المدنيين ؟!؟
موضوعنا ليس عن الاحتلال الصهيوني لفلسطين الحرّة .. نحن لا نتجاهل فلسطين
لكن الآن موضوعنا سوريا والثورة السوريّة
إن كنت تريد الحديث عن واقع الوطن العربي لماذا لا تتحدّث عن الأحواز العربيّة المحتلّة من قبل إيران ؟!؟
لماذا العرب لم يتدخّلو في فلسطين والأحواز وتدخّلوا في سوريا مع العلم أنّ تدخّل العرب في سوريا لم يكن ذلك التدخل الكبير لم نرى منهم سوى الكلام والكلام والكلام والقليل القليل من الفعل
هذا شيء ليس بغريب فحكّام العرب "عملاء" يسعون وراء مصالحهم فقط
نحن الشعب السوري لا نأمل من أمريكا وغيرها الخير
لقد قلناها وسنبقى نقولها "يا الله مالنا غيرك يا الله" .. نعم ليس لنا إلّا الله ناصراً لنا على هذا النظام الفاجر القاتل وعلى كلّ من دعمه من إيران وحزب الله حتّى الحكومة العراقية بدأت تشارك فها هي تقوم بفتح الرصاص على الثوار الذين سيطروا على معابر حدودية معها
وبالنسبة للمسيرات المليونيّة أتمنى أن لا تنسى كيف كان الموظفين وطلاب المدارس مجبورين على الخروج في المسيرات
أيضاً أين هذه المسيرات الآن أين هي ؟!؟
لماذا المظاهرات السلميّة المطالبة بالحريّة من تتم مواجهتها بالرصاص الحي ويتم الاعتداء على المتظاهرين بمختلف الطرق وبالمقابل لا تُهاجم المسيرات المؤيّدة
عزيزي الواقع في سوريا واضح أمام الجميع لا يحتاج النقاش فوقت النقاش انتهى
إن كنت في سوريا فيجب أن يكون الأمّر أصبح لديك واضحاً وأنً هناك ثورة في سوريا طالبت بالحريّة والتزمت بطابع السلميّة فقوبلت من قبل الحكومة والنظام السوري بشتّى أنواع القمع فأجبر الثوار على حمل السلاح ليقاتلوا من خان الوطن وخان الشعب من أجل بقاء آل الأسد في السلطة
في أمان الله..
|
اول الشي بدي اشكرك للدخول في هذا النقاش
بالنسبة لسؤالك رح جاوبك اول الشي بمن يقوم بعمليات التهجير
و رح تكون اجابتي محصورة بمن قام بتهجيرنا نحنا و اخوالي فاكيد حال بقية السوريين مثلنا
نحنا قبل ما نطلع من بيوتنا كانت مجموعة من الثوار تختبئ بالبناية و بتقوم بمهاجمة حواجز الامن و عاملين حفر بالحيطان ليطلعوا السلاح طيب متل هدول كيف ممكن ينجابوا غير بهجوم ثقيل
اما اخوالي وضعهم مشابه وقف مجموعة من الثوار على باب بيتهم طلع خالي قلهم بس بعدوا شوي يعني اذا ضرب الامن رح يصير شي للبيت قالوله عيارك رصاصة
هل هذا كلام ناس تدعوا للحرية
بالنسبة للجوامع في برنامج للاعلامي رفيق لطف حاليا عم يبثوا منه سلسلة درعا درع و دمعة شوفه و بتعرف كيف كانت تدمر الجوامع و اكيد ما داموا دمروا الجوامع فرح يدمروا الكنائس اما بالنسبة لعمليات القتل فشوف سلسلة حلب القلعة
بالنسبة لان تدخل العرب في سوريا لم يكن كبير فانا اختلف معك جملة و تفصيلا ما بتشوف الوزراء اللي بتطلع تقول لازم نسلح الشعب
كل يوم بتوصلهم اسلحة بالملايين
و بعدين ما شفت العقوبات كيف لم يكن تدخل كبير
بالنسبة للمسيرات المليونية اتمنى ان لا تنسى ان المسيرة كانت تخرج في مدينة واحدة هل موظفين هذه المدينة هم ملايين و كانت تطلع صور من الاعلى للمسيرات اغلبهم من الرجال
يا اخي انت اللي عم تجبلي اياه كلام اعلام يفتقر الى الدليل وين الدليل على انه كانت تتم المواجهة بالرصاص رح قلك انه المظاهرات اللي كانت تطلع عنا بالحارة هي ذات الاشخاص اقل الشي لو عم يتجابهوا بالرصاص يخفوا كم واحد
طيب بدهم اصلاحات روحوا على طاولة الحوار
اعلنت روسيا اكتر من مرة عن استعدادها لاستضافة هذا المؤتمر ليش بيرفضوه ما دام هدفهم اصلاحات
منرومح منسمع و بعدين وقت ما بتتنفذ رغباتنا من رد بشكل ثاني ما هذا المفروض
يا اخي اي سلمية التي تتحدث عنها وقت كنت ببيتي كان في كتير ناس مسلحين و الان باتت اسلحتهم متطورة اكتر روح عالسعودية لتشوف كيف ناس عزل عم تتقابل بالرصاص و روح عالبحرين لتشوف الاعتقالات