السلام عليكم ...~

؛

القناعة ئديش هالكلمة إلها وزن ! اوعيت طول عمري على " مد أجريك على ئد إلحافك " + " اللي برضى بعيش " + " كل شي نصيب " + " لعله خير " وأهم إشي " أرضى بالنصيب ترتاح بالحبيب " ~

كل هدول واكتر خلتني ارضى بإي اشي وما اعارض !

؛

مع إنه مرات بتجي للواحد ساعته ؛ وما بيعجبه إشي وما بيرضى ! لان بكون الكيل طفح ! او لانه سمحنا للشيطان يتغلب علينا الله يلعنه !! تباً لك يا شيطان ~

؛

أحلى شي لو الواحد يكون مقتنع بكل إشي بصير وصار معه! نيالهم هدول الأشخاص ~~ ئديش بريّح باله ! ئديش بحط الحدود على الأسئلة والأفكار اللي بتوجع راسه وبعيش ! هدول بكونوا عندهم إيمان والله يصبرنا عليه يا الله ~

؛

بس ئليل جداً تلائي هيك ناس ؛ بترضى بكل شي من الظاهر ومن جواها كمان ! بجوز ترضى بالظاهر حتى تلون حياتها ؛ خاصه مع هالعالم والدنيا الصعبة اللي ملانة فساد اللي ملان ناس مولوده بطناجر دهب ؛ الحسرى بتقتل الواحد من جواه ! خاصه مع شباب واولاد الجيل ~

؛

بس المصيبة بالإقتناع هو لما تكون مقتنع بفكرة او بإشي وهو غلط !! شو صعبة وشو بتصعب الآمر على اللي حواليها ! لهيك آحلى شي لما تكون مقتنع بإشي هات الدليل والإثبات !!

؛

غير انه بصراحة لو شو ما يصير والله بيعد عنا كل شي سيء وعاطل !( يا الله آمين ) لما يصير إشي بزعل ومش ئادر تقتنع بإنه صار و تفكر معي شوي .. وتتزكر حالك ! سو بتشوف ؟ بتشوف بإنه بتزعل يوم بس يوم ... وبتنكد على حالك وبتحارب الكل وبطيئش حد .. بس بعدها تاني يوم بتضحك ! صح بضل الإشي بفكرك بس خلص اشي صار وانتهى ! العياط بحلش إشي ولا النكد كمان ! اتفشش يوم وفضفض لو انك تحكي مع حالك بوصت عالي ~

؛

وبصراحة عندي الإشي الوحيد اللي بصّبرني وبخليني اقتنع هو الله بعوضني ويا رب ديا وآخره يغوضني ؛ ويجبر خاطر الجميع ~

؛

شكراً ع طرج الموضوع وآمين يا رب تهدي الجميع ()