الا يا شوق قل للشوق متى يشتاااق للعوده؟

الا سافر حبيب الروح سفره غير مقصوده
الا يا ربي الرحمن ترد القصد والمقصود
الا يا شوق قل للشوق متى يشتاق للعوده؟
انا لاجله ومن اجله ولاجله خاطري مسعود
قله البعد والحرمان ونار الشوق موقوده
حنايا اضلعي تلضا وما فالجوف له موقود
قله حب لحد العشق ولهفة وجد محشوده
لبسماته ولهفاته وضحكات العيون السود
متى ينوي على العوده؟ يلاقي اليد ممدوده
بحب(ن) صادق النيه لباقي عمره الممدود
تراني فنتظاره دوم و(عل) أمآل معقوده
اصبّر نفس مشتاقة ولو انه سفر محدود
يرد اليوم ، يرد بكره ، ابرّد نار موجوده
الا يا سعدها اللحظات لمّا يكون معي موجود
ابي شوفة سيوف اللحظ فعيونه مجروده
تنازلني تباريني تعوّض عمري المفقود



ابي شوفة لهفة شوق فعيونه موعوده
بحاضرها ومستقبل جميل(ن) زاهر(ن) منشود
متى يشتاق للعوده ؟ عنب حالي بعنقوده
ويتحفني بريح المسك والكادي ودهن العود
متى أفرح ؟ متى القاه ؟ واقول ياعوده محموده
الا يا مرحبا اهلا بمن جابه كريم الجود
الا سبحان من سوّاه نحيل(ن) ينثني عوده
كغصن افنان يتمايل اذا هبت عليه النود
الا يا الخالق الرحمن تعيذه عين محسوده
هو مني ونا منه ولا ودي اراه محسود
انا مشتاق كل الشوق لشوفة صافي الجوده
وما كنّيت له بالنفس من عذب المشاعر زود
انا نظمت له شعري على الحان منشوده
فهذا حب وهذا شوق وهذا الحال والمردود
مما راق لي..