^^^احنا كده^^^

احنا كده بارخص تمن ممكن نبيع
مبنعرفش قيمه حد غير لما يضيع
بنفضل ندوس على كل احلام الليالى
وبعدين نقول ارجع بأه ارجع ياغالى
منا كنت بين ايدك لاعبدك ولا سيدك كان حبك ملينى
كان املى بسيط جدا انى افضل شاريك جدا وتفضل شارينى
فى اول عتاب بينا نسيت اللى كان بينا نسيت كل حاجة
نديت لك بعلو الصوت وانا بين الحياة والموت
حلفتك بحاجه
بعمرى اللى عشته معاك والقلب اللى عاش وياك على حلو السنين والمر
كان ردك خلاص انا بعت ايشمعنا النهاردة رجعت خلاص الاسير بأه حر
منا زى منا زمان القلب اللى عمره ماخان فى عز الاساوة
الايد اللى ئادت شمع القلب اللى ماسح دمع الحضن اللى داوى
ياريت الندم هيفيد هيجيب اللى راح لبعيد لسه الجرح واجع
خلاص العتاب دلوقت وجع قلب وضياع للوقت هيقلب مواجع
هتصعب عليا سنين كان جرحك ولا السكاكين فى القلب اللى شارى وحب
مؤلتش هخلص طارى ولا ارد العذاب والنار انا سيبتك وقولت
يارب
واديك لما زاد يأسك ما بينك وبين نفسك عرفت اللى فيها
ياريت الندم هيفيد فى حاجات لو تضيع من الايد من الصعب تلاقيها

الله عليكي يا مرووه ,,

مووووضوع جاااااااااامد أووووووي ,,

بجد بجد وبدون مجاامله ,, مبدعه ,, ومحترفه كمان ,,

ميرسي ليكي يا غااليه علي الطرح الرقي ,,

طرحتي فأبدعتي ,,

بإنتظار كل جديدك ,,

سلااامي لك

ملك القلوب

إسمك حلو

أصلي سرقتوا من الملك فوق

هههههههه

على فكرة يا بت ده موضوع حلو أوي

بييييس يا أحلى مرووووووة

التنين الأحمر

ابهرتينا فعلاََ بطرح الراقي والرائع