وين اشوفك

وين أشوفك ؟!
ياهو اليدليني بيك ؟؟
روحي ليليه يمر بيها غرامك ..
ودمعة صارت تشتهيك ..
ضعت وين ؟!
بيا محطة ؟ .. بيا مدينة ؟
بيا مكان ..؟
ويا صدر دافي بسرارك يحتويك ؟!
المشكلة شلون انسى حبك ..
وآني حتى عيوني تسألني عليك ..
المكان البي گعدنه ..
گام يسألني عليك ..
والطريق البي مشينه ..
هو هم يسأل عليك ..
والورود الزاهيه تغير عطرهه ..
لأن يمكن فارگت لمسة اديك ..

وين أشوفك ؟!
وكل شبر من عمري الك بي الف ذكرى ..
وانت عمري ..
وهم شفت فد يوم واحد ينسى عمره ؟!
آني احس كل الأماكن تحمل بداخلها حسره ..
المشكلة وتسألني عنك ..
وياهو اليلاگيني هم يسألني عنك ..
وآني شايل ذكرياتي بگلبي جمره ..
او وصلوا بيدي إلك مية سلام ..
الهوى .. الهوى يسلم عليك ..
والشجر يبعث تحيه وگام يسألني عليك ..
حتى ألبوم الصور .. لمن يذكرك ..
يبچي ..
يبچي ويذكرني بيك ..
وين أشوفك ؟!
دورت أحلامي حسبالي اشوفك ..
وسألت عيني ..
گلت ..
بلكي بقى شي من طيوفك ..
وما لگيتك
أنت وين ؟!
گمت أدور بين أوراقي القدية ..
الغافية ابفي السنين ..
وگمت أرد لأيامي واسألهه عليك .. وهيه ..
هيه هم تسألني وين ؟!
وينك أنته ؟!
آني من اشتم عطر .. حسبالي جيت ...
وأركض بلهفة .. اركض بلهفة وبعد ميلمني بيت ..
وثاري مثل الحلم يخلص لو صحيت ..
وانت ماكو ..
وكلشي يسألني عليك ..
الليل من أسهر ..
اشوفه يلمح ويسأل عليك ..
كلشي يمي ..
حزني ..
تعبي ..
قلقي ..
وكل ذرة مني هايمة وتسأل عليك ..
آني لو أندل مكانك ..
يمكن عيوني تجيك ..
كون أعرف ..
هم بعد گلبك يحبني ..
لو نسه ؟!
وكون أعرف ..
بعد بگليبك محنه ..
لو ظروف الغربة خلنه قسه ؟!

دائما تتميز بأسلوب راقي يستطيع أن يضع لكل كلمة معنى جميلا..

رائع كعادتك ..
تقبل مروري البسيط ..
تحياااتي

دمت بخير ودام لنا ابداعك
تقبل مرورى

وين أشوفك ؟!
ياهو اليدليني بيك ؟؟
روحي ليليه يمر بيها غرامك ..
ودمعة صارت تشتهيك ..

ماشاء الله على التميز والابداع
الف شكر الك حبيبي الغالي

شكرا