طريقة عمل كبة حامض ...بالصور

مقادير

كوبين برغل
كوبين سميد
راس بصل كبيره
شويه كرفس
لحم مفروم للحشوه( ما قسته)
بهارات على حسب الذوق
سيليري ستيكس
فاصوليا خضراء، طازه او معلبه
معجون طمامه
قليل من الليمون دوزي
قليل من الزيت




تغسلين البرغل وخليه عليه شويه ماي غطيه وخليه على جهه




تفرمين اللحم والبصل والكرفس وتغسليهم





خليه اللحم على النار على الى ان ينشف الماي منه وضيفي علي البصل والكرفس والبهارات والملح ومن يخلص خليه بالثلاجه الى ان يبرد





بقدر كبير شويه خليه ماي وشويه ملح وليمون دوزي وخليه على النار من يغلي ضيفيله شويه زيت مع معجون طماطه
اقطعي السيليري ستيكس الى قطع صغار وضيفه الى الماي المغلي، طبعا هذا حسب الذوق انتي تقدرين تضيفين اي خضراوات على حسب الرغبه




جيبي البرغل وهسه يكون شرب الماي الزايد عليه و صار ناعم، ضيفي عليه شويه ملح واعجنيه هسه من غير ما تضيفي عليه السميد الى ان يتماسك شويه




هسه ضيفي عليه السميد واستعملي ماي مع ايدك واعجنيها الى ان تصير عجينه متماسكه




سويه منه دوائر صغار كما في الصوره





احشيها بالحشوه حسب ما في الصوره، تقدرين تسوينها على شكل بيضوي اذا تحبين









ملاحظه من تخلين الكبه بالقدر لازم الماي يكون يغلي حتى الكبه لا تنفتح




الان اذا كان الفاصوليا الي تستعمليه معلبه خليها اخر شي لان هي ال ريدي مستويه اما اذا لا فاضيفها مع السيليري ستكس وممكن تضيفين عليها سلق اذا تحبين





حركيها على مهلك حتى لا تنفتح

وخليها الى ان تستوي








وهذا الشكل النهائي والف عافيه

الله يعافيكي حبيبتي ولا يحرمني من طلتك الحلوه

محمود /مرورك كان هو القيم تحياتي لك

تسلم الايادي يالغلا

دمتي بود

شكرا لمرورك الرائع نورتي

موضوع جداااااااااااا رائع

اياد/شكرا لمرورك نورت الموضوع