جروح

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..

أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .

ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله

رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه

تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه

وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه

ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله

كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله

أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه

لي قلبٍ من كثر حُبه على : فراش التعب : مطروح ,
لا هو " ميت "..ولا " عايش " .! ووالله إن مـااات أشواله

وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه

وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .

ماشاء الله على الكلمااااااااات
المليئه بالاحاسيس والمشاعر
القلبيه الصادقه

آبهرني جمآل حرفكِ وعذوبة نبضكِ
بوح مغلف بالشفآفيه والرقه
فهنيئاً لمن احببتي على صدق هذة المشاعر
تقبلي مروري المتواضع
عليgb

تسلم للمرور الرائع

رووعة تسلم إيدك

أكثر شي عجبني

>>>
ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله



كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله

تحياتي النرجسية

^_^