نكة عراقيه حلوه بس بدون زعل رجااااااااءاااااااااااا

كردي بالامن لزم ارهابي.... واكع بيه دك بالصونــدة ويكله: ولك اعترف... جم مرة مفجر نفسك؟؟؟؟



واحد سال حشاش وين اقرب طريق للمستشفى .. جاوب الحشاش : غمض عينك واعبر الشارع


ولد سأل امه كلها ابويه ليش اكرع؟؟احتارت الام و كلتله هاي علامات الذكاء!كللها من هاي انتي شعرج طوييييييييل


واحد خبيث خالته جابت ولد( بدون اذان) أمه كالتله: روح سلم على خالتك وباركلها على الولد بس دير بالك تجيب طاري انه ابنها( بدون اذان) لاتجرح مشاعرها وتكلب عليها المواجع فراح الخبيث وبارك لخالته وكال : بس لازم تكثروله من عصير الجزر حتى لايضعف عنده البصر. خالته كالت: حتى لو ضعف البسه مناظر. كال: موهي هنا المشكله وين يعلكهه


واحد محشش منع زوجته من زيارة اهلها يخاف علة نفسة من انفلونزا الطيور,كلتلة زوجتة: بس اهلي ما عندهم لا بط ولا دجاج ولا طيور, جاوبهة: بس امج بومة.


حشاش عطس ... صاحبه گح.. گلله ليش تغير الموضوع؟


حشاش گال لاخو: خلي نصير فنانين، انت فنان تشكيلي و آني فنان أشكيلك

طرق النساء في تنويم اطفالهن المصريه نام يا حبيبي نام السوريه نام يبعتلك حمى اللبنانيه نام تقبرني الاوربيه سويت دريم بيبي العراقيه عووووو جاى حرامي ياخذك انطمر الله يلعن ابوك وياك.


رجل بنه بيت مدوّر وقال لزوجتة:هم گولي بعد حابسني بين أربع حيطان؟

دليمي دا يعد بالانكليزي ... وان - توو - ثري - فور - فايف -استغفر الله – سكس

مرة العراق ومصر واليابان قرروا عمل فلم تايتنك مصر كالت احنا نحضر الممثلين ...اليابان كالت احنا نصنع السفينة ....العراق كال احنا نقطع الكهرباء


واحد من المنصور دزة ابوه يشتري طلي ... راح جاب طلي كلش ضعيف ... ابوه كله ليش جبته هيجي ضعيف؟؟؟؟ كله بابا معليك بالجسم شوف العيون.


اغنيه عراقيه جديدة: طالعه من بيت ابوها رايحه لبيت الجيران طبكو عليها السلابه باكو حتى النعلان.

فيترچي كاتب قطعه (تفصيخ سيارات)، بالليل إجه واحد ناصريه بدل الصاد خاء وانهزم. صارت تفخيخ


دليمي گل لصاحبه: سمعت بهذا اللي وگع من عمارة عاليه أيام يالله وصل للگاع؟ گلله: ومات؟؟ گلله: شوف هذا الغبي يگللي مات..أگلل أيام لا أكل ولا شرب عجل شلون مايموت؟



قال رئيس جمهورية العراق مام جلال لمستشاره : الأمريكان صعدوا القمر لازم احنا نشوّفهم بأننا أعرق الحضارات ، فمن باجر جهزوا حالكم للصعود على الشمس! فحاول المستشار اقناعه بأن هذا مستحيل لأن الشمس غير القمر : مام جلال مو راح نحترق اذا اتقربنا من الشمس. فرد عليه السيد الريس : لا تخاف قابل احنا غشمه ، راح نصعد بالليل


واحد ايكول الابو بابا اني حلمت انه بسمار دخل ابرجلي كاله ابو تستاهل علمود متنام حافي


اكو وحدة سلمت على واحد شايب كالتلة شلونك حجي كله اني مرايح عالحج اني رايح عالعمرة كولي شلونك عمري.

ابليس هرب من العراق سئلو ليش : كال علمتهم عالغش والحواسم واشترو بيوت تالي يكتبون عليها هذا من فضل ربي.


خبر عاجل ... الرئيس الامريكي جورج بوش يطالب بجدول زمني لانسحاب الشعب العراقي من العراق.



كردي كلوله باجر عيد الحب قال : اهووو هاي اشون ورطة! هاي اشون صلاتها.


قال لها : قد لا أكون غنياً .. ولا عندي سيارة ولا فيلا ولا مزرعة ولا شركه ولا فلوس مثل صديقي رعد ولكني أعشقك واحبك .. فضمته ودمعت عيناها وقالت : إن كنت تحبني حقاً فعرفني على رعد.



مصلاوي ويه صاحبته بالكازينو..أنگطع الكهرباء..گالتله: يلله إنتهز الفرصه....گام انهزم بلا ميدفع الحساب.



بوش تعجب على العراقيين شلون تنتقل الإخبار عدهم بأسرع من البرق فسال احد الجنود الأمريكيين فقال له أن العراقيين عندهم شفرة أل - شكو ماكو عن طريقها يقدرون يتناقلون الأخبار بسرعة عجيبة فقرر بوش أن يزور العراق ويتنكر ويلبس دشداشة وعكال وعباية وراح يم محطة توزيع الغاز وسال احد العراقيين وقال له شكو ماكو؟ رد العراقي وقال والله مادري بس يكولون بوش بالعراق...

ههههههههههههههههههههههههههه

هههههههههههههههه

روعه هذة النكت واله روعه

بلعكس مافي زعل


تسلمين على هذا الطرح الراقي

عزيزتي لاتحرمينا من جديدك

بانتظار ابداعك

تحياتي الك

علي

هههههههههههههههههه
شكراااا

ههههههههههههههههههههههه
قال زعل عنجد حلوة
نتمني المزيد من الابداعات
لكي مني اجمل تحية
تحياتي

تسلم يا على على المرور الجميل

تسلم يا ملك الاحزان على المرور

اسعدني مرورك يا

محمد حكمي