. ^ . عســـى بفستانهـــا أشــوآإآإك,, وفــي ثوبــه عقــارب ســود . ^ .

ثلاث سنيـن انا اخطــط لهذا اليوم يا بو سعــود
تيسر حالــي وجاهـــــز اوفـي وعـــدي بوقتـــه


وفجـأة جتنــي تتعــذر تقول تأخــرت الوعـــــود
وانا مستغــــرب واسمــع كأنـي وعدهــا خنتـــه


حسبت انها تمازحني وتتصنع جفــا وصــــدود
ضحكت بوجهها من قلب مع انها بايخة النكتة


وقالت ارضى بالواقــع قلبي ما هو المعهــــود
تغيـر كل شي صـــوبك نصيبــي ما أظن إنـتـــه


كـنت بيـــوم محبوبــي ولكن مـا أظـن نعــــــود
وصل من قبل ما توصل وانا ذاك الصبر عفته


ولكن تكفــى صدقنــي ويشهــد ربــي المعبـــود
تــرى ما خنتــك بغفلــة ولا كلمتـــه ولا شفتـــه


صراحة اهلي قالو لي بإنــه ولد اصــل وجــود
وجتني أمه بالصــورة وبكلمـات المــدح اختـــه


سكت وقلت هي فرصة ما دام الجود في الموجود
وقالـوا كل من حولــي علامــات الرضــا سكتــه


وانا.. فكــرت .. دام امــه واختــه ما عليهــم زود
اكيـــد انــي براضيهـــم إذا وافقـــت واخترتــــــه


واراضي اهلي واخواني مدام ان الفرح مقصود
عطيـت الناس انا كلمه ومعاهــم وقتــي حددتـــه


ولا اقـــدر أغيرهـــا ترى عـنـد العـــرب منقــــود
اوافـــق واعتـــذر باكر واقــول الــراي غيرتــه


تبي تشرح لي المنقود تصدق عاد يا بو سعـــود
تبينـي اقتنـع وارضى بحال(ن) عمري ما عشتـــه


انا ماني بقايلهــا عســى يفــرش ثراهـــــا ورود
بعد ما حطمـــت قلبــي وطعـــــم المــوت جربتــه


عسى بفستانها اشواك وفي ثوبه عقارب ســـود
ونــارن تحــرق الكوشـــة وتحــرق بيتهم حتـــى


ومـــوت بليلـــة الدخلـــة يبـــرد حرتــي يا كـــود
ولا احـــس انهـا بحضنـــه يلامس خــد لامستـــه


علي اهون اذا ماتـوا ولا بنفـس السـريـر رقــود
تــرى صعب (ن)علـي اتخـــيل الي ما تخيلتـــــــه


عسى قاع الثرى يقسى ويتحول صخـر جلمـــود
وحفـــار القبــر يرفـض يسوي فـــوق مقدرتـــه


ترى دفنت عديم الـــذات تلوع حتى جبــد الــدود
ومن خـان العهــود ومات تعافـــه حتى مقبرتـــه


عسى ربــي يجازيهــم بحبل(ن) من مســد ممــدود
يعـلقهـــم من اطرافــه وفـــوقه نـــارن وتحتـــــه


انا ماني حقـود وشيــن ولاني من نســل نمـــرود
ومن حــط نفســه بوضعــي يقــول الي انا قلتـــه


مدام الفعـل له ردة فعــل واللــه ابشـري بـــردود
بدعــي دامنــي حي(ن) وبـغــرس للدعــا نبتـــــــه


وبسيقها نـزيف القلب ودمع(ن) ما رحــم الخــدود
وتكبــر والثمــر ثــاري من الي خاننــي وصنــته


انا نـــذر علي اكتــب وافجـــر هالقصيــد رعـــود
واسمــع كـل البشـــر صوتي عجبتــه ولا زعلتــه


واردد للــي يسمعنــي اذا حبيــت حـــط حــــــدود
انا حبيـــت دون حـــدود وشـــوف الـي تكبدتـــــه


ثلاث سنيــن انا ابني وجــت صــورة بكل بـــرود
خــذت مني شقــا عمــري وحلم(ن) قلــت حققتــه


ثلاث سنيـن انا اخطــط لهذا اليــوم يا بو سعـــود
وتوافــق من كلام اخته وصورة أربعــه في ستــه

...........................................

ممـــــ تـصـفـــ ح ــــــتــه وأعـــــ ج ـــــــبنــــي ـــا


دمتـــــــــم بخيــــــــــر