الفرحة ... رد الاعتبار

السلام عليكم ورحمة الله وبركاته كيفكم يا اعضاء منتدي العاشق ورواد القسم الادبي
ان شاء الله تكونوا بصحه وعافيه
اقدم لكم اليوم قصه بعنوان الفرحه وهي قصه تاريخيه جاسوسيه بعض احداثها حقيقيه والاخر خياليه
وهذا الموضوع كان من المفترض ان ينزل الاسبوع الفائت لكن حدثت بعض المشاكل
ولكني اليوم وجدت بعض وقت الفراغ
فقررت تنزيل الموضوع
مقدمه
قصة الفرحةعبارة عن قصة تاريخية ... تدور أحداثها حول عملية إغراق المدمرة إيلات قبالة السواحل
المصرية بعد مرور أقل من 5 شهور على نكسة5 يونيو 1967 .... حاولت أن أسرد هذه المواقف وهذه العملية المضيئة في تاريخ البحرية المصرية عن طريق قصة من الخيال عن عملية القبض على أحد الجواسيس في قاعدة بورسعيد البحرية وعن طريق هذه القصة قمت بذكر العديد من الشخصيات الحقيقة التي تواجدت في عملية الإغراق .... أتمنى أن تنال القصة إعجابكم وأن يكون الله –عز وجل – قد كتب لي التوفيق في سرد هذه الأحداث بما يليق وهذه الشخصيات التي سطرت بتضحياتها وبدمائها حياة أفضل ومستقبل أكثر آمانا للأجيال التالية لها ...

بنر الموضوع

فلنبدأ القصه

محمد :
" أنا مسافر بكرة بورسعيد ."
إلهام :
" تانى يا محمد هو كل شوية سفر ؟؟"

محمد :
" وأنا في إيدى إيه بس دى ظروف الشغل ."

إلهام :
" أنا تعبت يا محمد من الظروف دى ."

محمد :
"يا إلهام هو أنا باشتغل عشان مين . ما هو عشانك .. يا إلهام أنا بحبك ."

الهام :
"وأنا كمان بحبك يا محمد بس هنفضل كده لحد إمتى ؟!"

محمد :
" ما هي الدنيا كويسة معانا والحمد لله إننا مع بعض و.."

إلهام (بسخرية ) :
"مع بعض آه .... يا محمد أنا كل ما أبقى في مشكلة وأدور عليك جنبي مش بالاقيك ، وقت ما بدور على حد أحكى له ويشيل همومي معايا أنت أول واحد بابقى عايزه أحكى له .. بس في اغلب الأوقات مش يتبقى موجود ."

محمد :
"يا إلهام ما انتى عارفه ظروف الشغل وظروف البلد ، من بعد النكسة اللي حصلت والبلد كلها إتقلب حالها ."

إلهام :
"وبعدين ما هو من قبل الحرب وأنت كانت نفس الظروف عندك و مفيش حاجه أتغيرت ..... أنا مش هأقدر أكمل كده يا محمد . "

محمد :
"إيه اللي انتى بتقوليه ده ؟! "

إلهام :
"اللي أنا باقوله ده صعب عليا جدا إني أقوله ، ويمكن يكون أصعب عليا منك ، لكن الوضع اللي إحنا فيه ده مش قادرة أستحمله أكتر من كده ."

محمد :
" ياريت تفكري تانى يا إلهام في الكلام ده ولما توصلي لقرار عرفيني ..........."

" حمد الله على السلامة يا حضرات وصلنا بورسعيد "

قطعت جملة السائق شريط ذكريات آخر حوار لمحمد عبد المقصود الضابط بالمخابرات المصرية مع خطيبته إلهام قبل سفره لبورسعيد، نزل محمد من السيارة وتوجه مباشرة نحو القاعدة البحرية ببورسعيد مرتديا زى الضباط المميز بالبحرية المصرية وما أن وصل حتى قام بتسليم نفسه إلى قائد القاعدة البحرية العقيد / أحمد مصطفى .

محمد :
" تمام يا فندم ، أنا النقيب محمد عبد المقصود الضابط في ..."

العقيد أحمد :
"أهلا يا محمد أنا عارف أنت ضابط فين وأنا اللي طلبت إن ضابط من المخابرات يكون موجود معانا هنا بعد ما أجهزة اللاسلكي لقطت إشارات مريبة أكتر من مرة . "

محمد :
" تفاصيل المهمة اللي وصلت لي يافندم بتقول إن الإشارات دى كانت بتتزامن مع دخول المدمرة إيلات لمياهنا الإقليمية ، مظبوط يا فندم ؟؟"

أحمد :
" أيوه يا محمد مظبوط إحنا من بعد خروج قواتنا البحرية سليمة من النكسة ، وإسرائيل بتحاول تستفزنا لأنها ما وقعتش فينا أي خسائر تذكر ، كل فترة يدخلوا لنا المدمرة إيلات تعدى في المياه الإقليمية وترصدها الرادارات الخاصة بينا وتخرج تانى من المياه الإقليمية .... عارف يا محمد يعنى إيه مدمرة زى إيلات مفخرة القوات البحرية الإسرائيلية واللي شاركت قبل كده ضدنا في حرب 56 ، تدخل مياهنا الإقليمية كده من غير ما يكون فيه رد مننا ؟ "

محمد :
"شعور صعب جدا يا فندم ، في البداية أنا بقدم التعازي لسيادتـك فـي الشهـداء اللي استشهدوا في الاشتباك مع المدمرة ."

أحمد ( بحزن ):
" النقيب عوني والملازم رجائي كانوا اسود .. وما خافوش من الموت ونالوا الشهادة اللي كانوا يبحثوا عنها وضربوا المثل لشجاعة المقاتل المصري ، إنهم يخرجوا يواجهوا المدمرة بدون خوف ولما نطلب منهم الانسحاب يرفضوا بحجة إنهم مش هيقدروا ينسحبوا وبعدين يتوجهوا بلنشاتهم ناحية المدمرة في عملية انتحارية دى قمة الشجاعة ..... لكن للأسف المدمرة بمساعده لنشين الطوربيد اللي بيبقوا معاها قدروا يغرقوا لنش عوني ورجائي على بعد 30 متر بس من المدمرة قبل الاصطدام . "

أجابه محمد محاولا التخفيف عنه :
"سبقونا بالشهادة يا فندم ، اللى هي حلم لكل واحد مننا ... كل واحد مننا في الحياة العسكرية هنا شايل روحه على كفه مستني بس اللحظة اللي يقدم روحه فداء لبلده ."

أحمد :
" تمام يا محمد تمام .. أنا عارف انك جاى تعبان من السفر روح أنت دلوقتى ارتاح عشان وراك مهمة كبيرة جدا ."

سكت لثواني ثم استدرك قائلا:
" يا محمد أنا مش عايز أخسر ضباط تانى لو حصلت أي مواجهة مع إيلات لمجرد إن فيه خاين بلغ المدمرة باللاسلكي بأي حركة بتحصل مننا ."

محمد :
" تمام يا فندم إن شاء الله هانعرف مين الخاين ده ."


أحمد :
"تمام يا محمد أتفضل أنت دلوقتى ."



ها وقد انتهينا من الجزء الاول من السلسله
وان شاء الله تكون حازت علي اعجابكم
واسف علي التأخر في تنزيل الجزء الخامس من يوميات صيدلي هينزل ان شا المولي يوم الخميس القادم

و عليكم السلام و رحمة الله و بركاته

كيف الحال اخي ان شاء الله تمام

شكراً لك على هذه القصة الجميلة

القصة مؤثرة جداً

خصوصاً كلام محمد و احمد عن الشهادة

يارب اجعلنا من الشهداء

متشوق للجزء الثاني و متشوق لمعرفة الخائن

شكراً على جهدك

أأتـ’ـشرف أأني ثـ’ـآآني مـ’ـن رد عـ’ـليك ...

مـ’ـوضوع و قصـ’ـة رآآئعـ’ـة ... و معـ’ـبرة ...

ودي ...

السلام عليكم ورحمة الله وبركاته

كيف حالك اخي ان شاء الله بخير وصحة

قصة جميلة وموضوعها رائع, عن ابطالنا الذين رفعوا رؤسنا

شكرا لك على هذا الطرح

و عليكم السلام و رحمة الله و بركاته ..

كيفك يا احمد ؟ ان شاء الله تمام..

مشكور عالدعوة الحلوه ..

و قصة كانت رائعه و ودي اعرف مين الخائن و ايش بيحصل بعد كذا ..

تم التقييم _ الشكر .

ودي..

وعليكم السلام أخوي .. كيف حالك وشخبارك ؟؟

الله الله على القصة الرائعة والمؤثؤة بالله عليك متى

تنزل الجزء الثاني من القصة وتم التقييم + شكرا

الاسبوع القادم ان شاء الله

اخبارك اخوي لولوش ان شاء الله بخير
صراحة مدري وش اقول وش اخلي
ابداع لامتناهي من شخص استثنائي
وسرد للقصة بشكل جمالي
تم الشكر + التقييم

اقل ما يقال عن موضوعك
" ابداع "

واصل ابداعك وتقدمك

منتظر الجزء الثاني و ان شاء الله يكون بنفس المستوى

تقبل مروري

ودي لك ^_^

وععليكم السلام ..

ما شاء قصة جميلة و مؤثرة بـ انتظار الباقي لهآا , ككل التوفيق لكك ..