شعر حزين عن العراق الجريح

رسم صبخة بسوجي العين طاريك
بجيت وما لكيت دموع ببجاي
انا وهم انتضارك صرنة صحبان
لان هوة الوحيد الوافة وياي
اعيش ابفوضوية وازمة احساس
واكضي الليل راعي مضيع الناي
اشك بصوتك تقلدة العصافير
اسمعة من الصبح بس انتة ماجاي
ابشرك بس نفس يفلان ضليت
ما يترك اثر بالكاع ممشاي
بجة كلشي بغيابك شايل عيون
اول دمعة طاحت دمعة عداي
وينك يل عفتلي بكلشي نيشان
الكة الذكريات ابمجعة الماي
طلع عندك توارد وية الطيور
مثلهن هم ترف وتهاجر هواي
انا كلبي عليك مطرز جروح
مو بس قلبي عين جروح بحشاي
جنت تسمع كبل لا يوصل الصوت
هسة شبيها اذانك وشل انداي
علية الشمس كامت تعكس الليل
كمت ماضوك طعم الصبح بسماي
فوك الصورة صوت العين مبحوح
شاغت روح عيني بشوفة هواي
انة ابقة انتضر واتناك بس خاف
عزراييل يمرك وانتة ماجاي

اذا مشتاك عوف ظنونـك وعـود
ولتخليني اشوف بعشرتك ذل
واذا استـاهل اني فراك وبـعــاد
ظل ابعد لحد ما روحـك تمــــل
مرينة أعلى بابك ليش مسـدود
تـره ماكـو بـشر مـا يخطى ويــزل
يـالخليت حـبل الـروح مشـــدود
اذا ما نملي عينك عوفنــة وحل
واذا ما الـنه خـاطر الك وتـعــــود
مـا نـجبر طلعتك غيب لتـــــهل
بـس لـمن نموت ونـصفـه للــدود
لا تبجـي وتـكـول الـفـركــة تـكـتـل

يمنع نقل المواضيع في هذا القسم

ويمنع النقل دون ذكر إنه منقول

ويمنع النقل دون وجود لمسة العضو الخاصة

مخالف وينقل للأرشيف ، عذراً