тнє ℓιƒє σƒ α ѕιℓєηт мαη

بسم الله الرحمن الرحيم

والصلاة والسسلام على اششرف الخلق والمرسسلين ،

محمد ابن عبد الله الصاآدق آلأمين آمآ بعد

اليوم بعد تفكير عميق حبيت افتح شي اسمه(مدونتي الخاآصة) وعنوانها خطوة خطوة نحو القمة

تاريخ اليوم 24-مارس-2015

احب اولا,,, ان اتكلم عن بدايتي المتعبة هنــا(قصة حياتي هنا والله مشوقه) ,,, يا للأسف كم بذلت وكم حتى وصلت الى ماانا عليه الآن!!(والي راح يقرا انا اريدك الان تفتح اغاني حزينة وتقرا )

اوووول ماسجلت في عام 2014 كان اسمي مايلز وبعدين شينودا والان سباستيان و كان تسجيلي بسبب اني كنت ابحث على منتدى نشيط وفيه اعضاء كثر وتفاعل ولازم يكون فيه قسم لالعاب الكمبيوتر والتي هي عشقي ولا اعيش الا بها مع اني تمنيت انو في العاشق يكون قسم اسمه قسم الاغاني الاجنبي فانا مهتم جدا بهذه الاشياء وكلماتها وانا حافظ حوالي 25 اغنية,, الغريب اني حافظ 8 اجزاء من القراآن الكريم في نفس الوقت!! الله يهدينا الى طاعته,,(طبعا نصف لغتي الانجليزية الي اتقنتها كانت بسبب الاغاني حيث اني لا اسمع اغاني عربي ابدا)
وكنت سابقا سجلت في كم منتدى مش عارف 20؟ او 30؟ والله كثيـــر جـــدا جـــدا بعضهم ماتفعلت عضويتي للان وبعضهم تفعلت لكن واجهت مشاكل اما انه خامل او انه صوره الرمزية صغيرة ومحدودة او انه ماينفع اسم مزخرف فيه وغيرها

وكنت زمان سمعت بمنتدى اسمه العاشق ومشهور بالانمي والناس فيه كثير,,
ففكرت ادخل اشوفه واشوف متواجدين بشكل اذهلوني فعلا!!! كثير ماشاء الله وان شاء الله يدومو.. الله يخليهم جميعا بالذآآآت الاخ العزيز والغالي (انيموكي)


فقلت لابد اسجل هنا وفعلا سجلت وعضويتي تفعلت وكل شي تمام,, واول مابدأت شفت جميع الاعضاء تقريبا اقل واحد فيهم معاه 4000 او 5000 مشاركة؟؟ وانا ؟ 3 او 6 !! والله محرررج جدا لي تلك الايام فقررت ازيد مشاركاتي زي كل الناس والمشكلة زيدتها بطريقة مخاآآلفة جداااا ردود سطحية هنا ومكرره هناك ومنسوخه هنيك والمهم هباش الهباش!!


والله كانت تنبيهاتي من 400 تنبيه من 350 تنبيه!! كلها حذف حذف حذف والله احتذف عليا اكثر من 600 رد مخالف واستلمت مخالفتين بسبب ذلك واحدة من راديكس والاخرى من زوروسكي مع تهديد منه اني اذا سويت كذا مره ثانية يحظرني!! والمشكلة انو المشرفين الي كانو يحذفو ردودي ماكانو يقولو لي مثلا(اخي العزيز اذا اردت تزود مشاركاتك فعليك بالردود المميزة لان هناك تكريمات شهرية او مسابقات) بل كانو يحذفو وخلاص!!


وانا والله ازعل لوما اشوف ناس يتكلمو علي ويعايروني اني معاي مخالفات!! اخوتي كان هذا في الماضي وماصار مره ثانية ماتحرجوني مافي داعي؟
انا هالحين لما اسوي نفس الشي مع المخالفين انبهم علي ملفهم بكلام عسل مؤدب انه في تكريمات ومسابقات واشرح بالتفصيل الممل لاني لا اريد يحصل لهم نفس الي حصل لي!


على كلا نرجع لقصتي... فبعد تهديد زورسكي انا خفت وبدأت اسوي ردود مميزة وماكنت عارف بالتكريمات الشهرية لما شفت معي تنبيه قلت(يووووهف يعني كمان حذفو ردي المميز؟؟) ويطلع التنبيه انه مميز!! وبدأت اجمع ردودي المميزة واول تكريم لي كان في القسم العام وكان الشكر كله ولا يزال للاخت العزيزة هيكاري تشوووواااااااان لانها طرحتني بين المكرمين وشفت نفسي تعجبت!! مع العلم انو مشاركاتي كانت في وقتها حوالي 2400 مشاركة كلها في قسم الالعاب الكتابية هههه وبعض مواضيع هنا وهناك,,(والان معاي 3 اوسمه والقادم في الطريق ان شاء الله)


وكنت طبعا ترقيت الى فريق الالعاب بوساطه كريتو كون وبدات اشتغل ,,(لعلمكم انا مقتنع تماآآم الاقتناع ان وجودي في اي منتدى كمجرد عضو فقط لا يعني لي شيئا ابدا,, لا زم اني اكون حتى في فريق العمل ,, لا ادري ليش لكن لااطيق بقائي مجرد عضو ربما لاني طموح في حياتي بشكل عام) وبدأت اشتغل في الفريق واسوي تقارير والله بالهبل وتعبت وجاهدت وطالبت حوالي 3 مرات ان اكون مساند قسم الالعاب وكل مره رفض رفض رفض الى المره الثالثة جاوبني زوروسكي الله يخليه وهو الي جاوبني اول مره وقال لي فيها (لازم نرى تحسن ردودك وتفاعلك ومواضيعك فترة وبعدين نرقيك) والمره الثانية جاوبتني شعاع بعد صبر طويل بدون اجابه للموضوع قالت لي لايوجد لي حنكة في كوني مساند!! ايش هذا العذر؟ وكيف هي تعرف وهي مشغولة 24 ساعة؟ المهم وقالت لي لابد ان مشرفي القسم هم الي يطلبو ترقيتك,,, فانا مباشرة رحت لمشرفي القسم ميدو ولورد فان وزيرو فكانت اجابتهم موافقين جميعا ماعدا المستر زيرو فكان معاااااارض جداااااا لهذا الشيئ (طبعا زيرو الان زي اخي مافي بيننا شي لا تحسبو اني حاقد عليه) ولما طلبت المره الثالثة الترقية جاوبني زوروسكي وقال لي(انت مبدع والمشرفين الي انا قلت لهم يراقبوك اعترفو بنشاطك وانت تستحق الترقيةkawaii-005) ورقاني’’
مع العلم اني كما قلت سابقا ان زوروسكي عمل لي مخالفة بنفسه بس هو لاحظ اني تغيرت واصبحت افضل


واصبحت مساند قسم الالعاب اخيرا بعد جهد جهيد ولكن المشاكل جاءت بعدها مباشرة مشاآآكل الى الآن لكن الان سبب المشاكل مو زيرو بل ناس ثانيين مافي داعي نذكر اسمائهم


وانا كنت مظلووووم وصبووور ومحترم جدا وحتى زوروسكي لاحظ اني مسكين رجع رسل لي رسالة قال لي(اخي انت قم بما عليك ومالك شأن بأحد واذا احد مو راضي انك مساند قل له : كلم زوروسكي,, وهم راح يعرفوني على حقيقتي صدقني,,)
ومع مشي الوقت بدأت اشتغل كمساند واعمالي لا تنتهي من تعديل ردود مخالفة او مميزة ومواضيع وغيرها وكانت معاي اخطاء في البداية ولكن صححها لي الاخ الغالي زيرو ,,


الغريب اني اختلفت تماما من الشخص الي كنت عليه اول ماسجلت حيث اني لوما سجلت كنت اراسل المشرفين وغيرهم(اخي كيف وقعت مشرف؟ وماهي المتطلبات لمشرف؟) وهم يجاوبو علي(اخي كله بالاحترام بين الاعضاء والقانون والعمل الجاد وغيرها) وكان من بينهم الاخ القائد كاكاشي ههههه الله يخليه ويخليكم جميعا
وانا الان كما نرى مساند وان شاء الله أنا متأكد جدا انو هذي مجرد البدايه فقط وان نهايتي راح تكون باللون الماروني ان شاء الله,,


على كلا ميزاتي الي نادرة ماتكون في الاعضاء(اني ارد بسرعة الرسايل خاصة او زوار واني محترم واحب الاعضاء الجدد تلاحظو اجمل ردود اسويها هي ردود الترحيب اسوي لهم ترحيب عاآلمي منشان اشجعهم وايضا انا كوميدي وكلامي كله مايزعل حد وصعب جدا جدا اني اغضب لكن اذا غضبت ياويله ويا سواد ليله الي اغضب عليه فانا انفجر بعدها انفجار مايقدر واحد يرجعه)


وقد غضبت والله على اظن عضوين هنا واديت لهم كلام ماقدرو يردو عليه(طبعا الكلام البذئ لا اقوله والعياذ بالله وعندما ينتهي انفجاري اقول له تبي تشتكي للادارة اشتكيت انا معاي الحق واحيانا اقول (اخي شوف انا ماقلت كلام بذئ منشان مايجي احد الاداريين بعد كام يوم يقولو لي ليش تعصب على فلان او فلانه)
وايضا من ميزاتي ان الله سبحانه اعطاني ميزة التحدث والاقناع وكلامي بعد الاقناع مايقدر احد يرد عليه لو قال مهما قال شوفو محادثي مع مشرفي قسم الالعاب في مقر المساندين والمشرفين وشوفو هل حدا اقدر يرد علي؟ حتى والله قلت لهم(خلاص اخواني غلقو الموضوع تجنبا لاحراجكم فلستم قادرين على الرد على كلامي ,, وفعلا غيرنا الموضوع,,
تعبت كتابة والباقي في رد اخر,,,

اوووه اعطيت لكم قصة حياآتي ونسيت نفسي!!

اسمي / طه عبد الكريم علي علي علي هادي علي الآنسي !!!

الدولة / اليمن العزيز المدينة / ذمار مكان الاقامة /صنعاء شارع العدل منزل رقم 8 ملك مش ايجار الحمد لله

العمر / 20 سنة
العمل / ادرس بمعهد سييدز انجليزي نظام المكثف الدورة السابعة من اصل ثمان دورات كل دورة لها شهر يعني باقي لي شهرين تقريبا ويكون معاي دبلوم انجليزي ومنه للتوفل ان شاء الله ( مع العلم انا لم اسجل من اول دورة بل سويت اختبار تحديد مستوى وطلعت فوق النص الحمد لله)

ايضا من العمل / ليست وظيفة محددة مع شركة او شي بل اشتغل انفرادي بفرمته الكمبيوترات واصلاحها يدويا وايضا اشتغل وانتج اعمال ببرنامج ادوبي اديشن cs5 وهو الوحيد من برامج شركة ادوبي الي اتقنته الحمد لله

كملت الثانوية السنة الي مضت وجبت معدل 77% مع اني والله بذلت جهد كبيـــر جدا ماحدا عارف كم وكم لكن انا راآضي بقدر الله سبحانه,,

الباقي في ردود اخرى

احيانا تحس ان الدنيا كلها ضــــــدك!! واحيـــان اخرى تحسها معــــــــاك ولكن الغريب عندما تحسها معك وبعدين فجأة في نفس الوقت اصبحت ضدك كما قال الشاعر:

مابين غمضة عين وانتباهتها ........... يغيــــــر الله من حـــــــال الى حــــــال

هـــــــذا الاسبوع الي احنا فيه.. كان اسبوع العطلة الشهرية للدراسة في المعهد الي ذكرته فوق,, وفيه لازم الطلاب الي يدرسو مكثف اي احنا يدفعو 100 دولار قيمة الدورة القادمة يعني 21500 ريال بينما الي يدرسوا بالنظام العادي مش مكثف يدفعوا في الشهر 7500 ريال يمني,,,


انا عادة ادفع حق الدورة الجاية وانا لسه بدرس قبل حتى مااخلص الدورة الي انا فيها! لكن هذه الدورة الاخيرة والله جاءت ظروف والدي بالحظ السيئ انه سوى سطح بيتنا بالاسمنت والحديد منشان المطر لو ينزل مايدخل بيتنا ولو تعرفو كم دفع في هذا الشيئ!! حوالي 200 الف ريال يمني!!!!!!


والمشكلة اكبر من هذا لانه قال لي والله ياطه مامعاي الان فلوس الا مايكفي نعيش لاخر الشهر لوما المعاش يطلع وبعدين بعطي لك حق المعهد والمشكلة انو هذا الخميس الجاي تاريخ 26 مارس 2015 كان اخر يوم للدفع واذا مادفعت ماادرس وهذا يترتب عليه مشاكل اهمها::


1-انو المكثف مايعطونك شهادة بعد كل دورة بل لازم تكمل كل الدورات للنهاية وبعدين يعطونك شهادة مما يعني انك اذا وقفت الدراسة ولو شهر فقط خلاص لازم اما تعيد كل الي بدأته او تسوي اختبار قبول ثاني منشان يحددو مستواك وانت مش متأكد انك راح توصل لنفس المرتبه الي انت فيها!!


2-مشكلة تواجه الكثير من الناس!! قالو ( الحــب عـــذاب ) مش ذا وبس بل جميع الزملاء في هذه الدورة هم لي اصبحو كعائلة واخوة واخوات الى جانبها طبعا,,
فانا ماقدرت اصدق هذه الكارثة؟؟ ياللهول ماراح اسجل؟؟ لا مش معقول هذا عذاب ابقى شهر كامل بدون شي لاعمل لادراسة لا شي!!


حسيت ان امري انتهى واظن هذا بسبب شي انا سويته.. لوما طلعت نتيجة الدورة هذه الاخيرة هي كانت صعبة على جميع الطلاب ومافي حدا جاب 90 نهائيا على غير العادة وانا جبت 80؟؟ قهر والله لاني موهوب انجلش مو قضية مذاكرة وبس مع اني ذاكرت كثير بس 80%؟؟ وااو صرعت بالنتيجة ,, لكن قلت مش ممكن اوري ابي هذه النتيجة لازم اني ازورها!! وفعلا والله زورتها بالفوتوشوب عند واحد صاحبي الى 89% لان ابي عارف انو ماحد جاب 90 فراح يسألني كيف جبت 90 يا فهيم؟؟(وانا زورت الشهادة ليش؟ لانه لو عرف ابي اني جيت 80 راح يقول لي ابني مافي داعي تدرس وانت تجيب درجات هكذا!)


فاظن ان الله عاقبني لاني زورت بس من رحمة الله اني دعيته وقلت يامفرج الكروب وغافر الذنوب اغفر لي ذنبي الكبير هذا وفرج عني همي.. وكانت ليلة مطيرة جدا والمطر والبرق بقووة فالحمد لله استجاب الله لي واليوم الثاني تجي امي الله يحفظها تقومني من النوم وتقول لي هاذه الفلوس خذها وروح سجل!!
سبحان الله,,

< الى متى؟؟؟ > اشتي اعرف ليحين عتجلسو ياناس تعادوني؟؟

هوووووووف انا الناس عادة يستغلو طيبتي وطيبة اخلاقي استغلال قذر !!

لانهم شايفين انفسهم اعلى مني واشهر وهم مش عارفين اني قادر اسوي العجايب واطيحهم من اماكنهم الي فوق وبكل بساطة آخذها لي انا ,, معاي بندقية قناصة عيار 20 ملم طلقة واحدة مني تكفي باسقاط خمسة منهم!!

قال المثل( لا تنخدع برؤيتك اسنان التمساح فهو لا يبتسم.. بل يستعد للانقضاض عليك !! )

زي الشطرنج بالضبط!! انا اقتل واخذ مكان الي قتلته بكل برووود,,
وطبعا العصبي في الشطرنج والي مايعرف يصبر راح يموت اول واحد ويخسر بسرعة صح او لا؟

هه! وعلى كلا قيل ان البداية دايما صعبة صح او لا؟ خليهم اول يلعبو براحتهم وبتعامل معاهم بعدين,,

اصلا الشخص الي في مكان مرتفع يرجع يذكر الي كانو بمكانه ويشوف كيف يسوي معاهم,,,
ايه ايه قولو اني مغرووور انا عارف! مع ان الغرور اخر صفة قد تكون فيني,,,

بالمختصر المفيد: انا تمت مشاغلتي من قبل بعدة اشخاص سواء في الواقع او في غيره وايش الي حصل لهم؟ كادو ان يخسرو كل شي بلمح البصر! والله مش كذب,, وبعدين تحسنو ورجعو زيماكانو ولو لم يرجعو لكانت نهايتهم قريبة,,

فأقول لك/لكي/لكم::انتبهو مع من تتعاملون وانتبهو لما تتمنونه او بالانجليزي

"Be Carefull What You Wish For"

بسم الله الرحمن الرحيم

ياخوتي عيب عليا اني الان فقط ذكرت اقول بسم الله الرحمن الرحيم قبل مااكتب! لاحول ولاقوة الا بالله يارب اغفر وارحم وانت خير الراحمين,, نسينا الدين وتلهينا بالدنيا!!

احيانا تكون في موقف محرج,,, تشوف الناس حولك وانت في موقف المجادل في موضوع قد تكون غلطان وقد تكون محقا من يعرف؟ لكن الي يحرجك عندما فجأة يأتي شخص من اللامكان ويقول : لاتصدقوه هذا دليل عليه وكمان هذا و هذا و و والخ,,, وانت لا تعلم كيف او متى حصل هذا؟؟ انت برئ تماما وتعلم في قرارة نفسك ذلك,, لكن الادلة تمحو كل الشكوك!! خاصة وان الي جاب عليك الدليل محترف قادر انه يحرف ادلة بسهولة وبنفس المطلوب بالضبط !!

تشعر بالصاعقة! ولا تستطيع ان ترد ولو معاك حق لانو ايش عتقول؟(لا تصدقوه انا ماسويت كذا هذا كذب؟؟) من راح يصدقك؟ هو فقط الي يصدقك لانه الوحيد العارف انه كذب عليك فكل ماتقدر تسويه تظل صاامتا تمااما بينما الباقون ينفضون من حولك قائلين عنك انك كذا وكذا و و !!

حرام صح؟

لكن مع الوقت يظهر الحق والله تعالى يمهل ولايهمل .. فأول ماتطلع برائتك امام الناس يرجع كل الي قالو عليك العكس تماما تشوفهم يتلقوك بالاحضان والاعذار وانهم التبس عليهم الموضوع,,

ويغضبو على الي لبسك الباطل بالتزوير,, لكن بعد فترة يأتي الي افترى عليك الكذب ويمد يده لك ويقول : سامحني انا أخطات عليك!

ايس حيكون ردك عليه؟ يمكن واحد يقول(هه! على غيري الحركات ذي هو نفسه يرحع منشان يحاول يدور عليا غلطات واشياء يسوي لي مشاآكل مره ثانية؟؟)
او حتقول(ياخي الله يسامحه بس ذا كان من الماضي وان شاء الله مايسويها مره ثانية)

والغريب انا اخترت الخيار الثاني وسلمت عليه ووثقت فيه,, وبعد مرور ايام وشهور,,,,
يجي يوم تحصل مشكلة بسيطة جدا ماتستحق كل ذا وهذا الشخص الخائن الغادر يقول عليك انت سبب المشكلة ويروح لكل الناس يكلمهم ويشتكي لهم بشئ تافه مايستحق وهو له علاقة بالفلوس(ياخي اذا تظن اني معاي فلوس لك بجيبها لك ونص انا مش منتظر فلوسك اللعينة انا انسان اعزني الله ومو منتظر لك!!) لكن هو ماقال لي جيب الفلوس مع اني ماعندي له ولا ريال بس هو عذر من اعذاره منشان يشوف لي مشاآكل!! ياخي انا والله اظنه حسود من شي؟ مثل ايش على ايش يحسدني؟ انا لست بالغني الامبراطور ولا بالفقير في الشارع ,, انا شخص سترني الله وانعم علي بالحلال واسأله من فضله ورحمته..

ويجي الناس لاعندك ( ياخي رجع له فلوسه عيب عليك و و و ) نفس القضية الاوله مايتبين الناس من الحق بل يتهموك بكل قسوة ويغضبو عليك وعلى كل حال انت تقوم في تلك اللحظة امامهم جميعا ترمي المال مضاعفا في وجه الخائن ذلك وتقول له (خذ وخلي الله وكيلك لان الله عارف اني ماخذت عليك ولافلس وخلاص رحت!!)

وبعدما قلت له ( خلي الله وكيلك)كل الناس عرفو فورا صدقي وقامو غضبو عليه! لكنه لم يهتم بل اخذ الفلوس وراح يلعب بها يمين شمال هنا وهناك,,

وبعدما خلصت الفلوس يجي لي ويقول لي(والله اخي العزيز انا كنت اختبرك واختبر صبرك وطلعت انك محترم وعزيز فاسف واعذرني!!) ويمد يده يسلم مره ثانية؟؟

هه ! هذه المره مو عليا خلاص انا بدأت اصدق المثل الي يقول(البقاء للأصلح والاقوى) فبكل برود جربت اخلي نفسي زيما نقول رجال وماسلمت عليه وقلت له ( لو تحاول تجي تسلم مره ثانية بقتلك!)

في النهاية حسيت نفسي رجال فعلا وكان لازم اسوي كذا من البداية بس غلتني نفسي الطيبة الضعيفة فلو خرجت نفسي القويه حينها كنت فعلا رجال,,

بسم الله الرحمن الرحيم

احيانا انت تقوم بعمل او تتطوع لعمل لا تعرف عنه الكثير فقط لانك تريد المساعدة او لان الدفع مغري صح؟ لكن المشكلة ماذا لو ماقدرت تسوي العمل؟ او ماذا لو طلب منك عمل مشابه له؟!!

مشكلة صح؟

طيب فيه ناس قالو مش قضية لانو انت وقت ماتسوي العمل عتتعلمه مع الوقت ويجي مره ثانية ويكون ابسط .. بس لازم تحرج نفسك شوي اذا ماسويت العمل تمام لانو الناس يظنو انك شغاآل وبعدين؟؟

تصبح أضحوكة الجميع بل ويمكن يغرموك الي أستأجروك لانك بدل ماتصلح لهم شيئ كمان خربت عليهم وصرت في خبر كان!!

على كلا شيئ جميل انك تحب المساعدة سواء تطوع او بفلوس لانه الفايدة لك ولو في الحالتين

وهذا مااحاول فعله في بعض الامور حاليا واتمنى تنتهي على خير,,

الى رد آخر ولو هذا الرد قصير

بسم الله الرحمن الرحيم

مذكراتي ممتعه صح؟ اشوف الكتير يقراها وهذا يشرفني والله ويسعدني جدا

وصلت لي بعض التقييمات من الاخوة الي قرأو مذكراتي في واحد منها (اخي احنا بنضحك عليك ونشوفك سخيف! خفف من قول كلمة أنا! ) ههههه اقول لك اخي انت مش عارف وش السالفة

انت كل همك تتعامل مع غيرك بطباع قويه وتريد الناس يحبوك؟ صراحه انت اسمك فيك وعتبقى على اسمك مش لانك (يونيك) زي ماتقول بل لان افضل هواية عندك السخرية من الناس لكن انا عندي عادي كلامك الي قلته فوق عيني وراسي طالما هو خاص وانا اعتبرها نصيحه بس مش معنى هذا اني بغير طبيعتي بس شكرا لك اتمنى اذا قرأت هذا ماتكون حامل عليا شي انا اناقشك فقط!

المهم ...... انا بعد ماسجلت هنا انتو عارفين ايش واحد صاحبي تحداني؟ قال: ياخي العاشق من الصعب جدا ان تترقى لابسط شي عندهم لانهم يحاسبو على كل شي ويدققو في كل شي واتحداك تصير عندهم شي ولو بسيط!!

ايش قلت انا له؟ قلت له:اخي اذا هذا تحدي فأنا سأذكرك عندما أكون هنا باللون الماروني! يعني مدير عام.. ومو مستحيله ولو بعد سنة سنتين لكن مش مستحيل بل ممكن وسيكون ايضا ان شاء الله,,

زي ماقال المصارع النجم الي راح ينافس بروك ليسنر غدا الاحد تاريخ 29_مارس_2015 في راسلمينيا عندما قيل له هل ستقدر على هزيمة الوحش البشري بروك؟

ايش قال؟؟ كلمتين فقط هما :

I CAN -----I WILL



فقط لاغير, ,. ,,, انا اقدر انا سأفعل! مع انه من الصعب جدا جدا ذلك انا شخصيا اشجعه لكني عارف انه ماراح يفوز بس اتمنى يفوز من اعماق قلبي

اما اذا فاز فجميع الناس راح يطيرو عيونهم من التعجب!!! نفس الشيئ لوما انا اصير مدير او نائب مدير هنا كيف بتكون نظرات الناس لي؟ واااااو وفعلها فعلا!!! بالذات صاحبي الي تحداني وهو كمان عضو هنا ويمكن انه شايف ذا الكلام!

بالمناسبة ماتعصبو بي وتقولو(ياخي المصارعة تمثيل في تمثيل) الي يظن المصارعة تمثيل يخلي رأيه له مارايد حد يقول لي كذا لاني بعدها بفتح له مواضيع وفيديوهات ماتخلص تدل ان المصارعة مو تمثيل وانا متابع لها جدا لي من عام 2013 راسلمينيا 29 للان واعرف تقريبا كل المصارعين بل وحتى حافظ رقم السروال الدخلي حقهم

الى رد آخر خلونا نوقف تعبت كتابه !

بسم الله الرحمن الرحيم

الله!! اليوم من أجمل الأيام على الاطلاق! اليوم هو اليوم الأسطوري للعرض التاريخي راسلمينيا 31

وااااااااو والله متحمس جدااا جدااا وطبعا اليوم غير العادة اني انتظر لليوم الي بعد العرض الشهري للمصارعة لتحميله من موقع فيلمي لكن اليوم انا بشوفها مباشر على النت اذا الاوضاع في اليمن راح تصلح ومايطفو الكهرباء,, ان شاء الله

والليلة أكبر 3 مباريات في التاريخ وهي //

1- الوحش البشري ضد الكلب الكبير او بالانجليزي(THE BEAST X THE BIG DOG )
يعني بروك ليسنر ضد رومن راينز


2-الأمريكي ضد الروسي او (THE AMERICAN VS THE RUSSIAN )
يعني جون سينا ضد روسيف


3-الرجل الميت او الاسظورة ضد آكل العوالم أو الوجه الجديد للخوف او(THE DEAD MAN VS THE NEW FACE OF FEAR )
يعني اندرتيكر ضد براي وايات

وااااااااااااااااو والله متحمس جدا وبروح اشوف المباراة انا واخي الكبير خالد وابن عمي محمد ويمكن لو جا حظ نشوفها مع اخي الكبير مره محمد بس مااظنه يجي لانه الان اب ومعاه عمل و و و انتم عارفين!

انا توقعي للمباراة الاولى بروك يفوز مع اني اشجع رومن والله بس انا اكثر واحد عارف بتاريخ بروك ومن هو بروك ليسنر!

توقعي لجون سينا وروسيف فوز جون طبعا باستسلام روسيف مش بالتثبيت لان جون سينا يريد ينتقم من ماحصل الشهر السابق من روسيف في عرض فاست لان ابحثو بالنت وتعرفو القصة بالتفصيل

المباراة الثالثة والله مادري بس اظن اندرتيكر ليش؟ لان براي وايات استفزه جدا زي ما سي ام بونك سوى وخلى تيكر يغضب بشدة فالغضب عامل مساعد,,
لكن اظن براي وايات ليش؟ لانه اولا شباب ثانيا سريع وحركاته غادره ثالثا معاه سواعد اعوذ بالله كبار جدا!!

لعلمكم والله انا من زمان قبل ماتجي مباراة مهمة سواء راسلمينيا او في عرض ثاني غيره والله اني احلم المباراة قبل حصولها واشوف النتيجة النهائية تماما ووالله العظيم ان الي يحصل في الحقيقة بعدين نفس الشيئ بالضبط يمكن احيانا اختلاف شي بسيـــط جدا!

تصدقون اني حلمت ان دانيال براين راح يفوز السنة السابقة في راسلمينيا بالحزام الي كان عند راندي اورتون؟ مع انه دانيال براين كان لازم اول في نفس الليلة هزيمة تربل اتش للوصول لمباراة اللقب ضد راندي وباتيستا وشفنا كلنا العرض الاسطوري ذا صح او لا؟ وشفتو كيف تعاون راندي وباتيستا وكمان تربل اتش ولو بعد خسارته كلهم ضد دانيال براين ومع ذلك دانيال فاز فوز عالمي وبعد الفنش المزدوج من راندي وباتيستا على دانيال فوق طاولة التعليق ومع ذلك عاد للمباراة وفاز؟ ووالله العظيم اني شفته بالضبط في حلمي الي حصل في الحلبة بالضبط انو باتيستا ضرب راندي بالحركة القاضية حقه ودانيال يدخل فجأة ويقضي على باتيستا ويثبته هذا الي في حلمي اما الي في الواقع ان دانيال عملها بس ماثبت باتيستا بل خلاه يستسلم!!
اهانه لباتيستا ,,,

وهذا العرض ليش اظن بروك يفوز لاني والله اني حلمت اني بنفسي اسوي الحركة القاضية لرومن راينز على بروك ليسنر مرتين متتاليتين وبعد ذلك احاول اثبت بروك ومع ذلك بروك يقاوم ويقوم من التثبيت!! والله خفت وقمت من النوم من الخوف!!!!

يعني هذا الحلم نذير شؤم جا يقول لي(لا تشجع رومن راينز لانك راح تزعل عليه بعد خسارته!)

ياللهول!! والله نفسي انه يفوز,,

من غير احلام ثانية كثيرة والله كثيرة بس لو اكتب ماراح اخلص!!!

لا بعدين انا برجع لكم بعد انتهاء العرض واقول النتائج!!

مع السلامه,,

بسم الله الرحمن الرحيم

والله اليوم انا غضباآن جدا وحاولت أهدئ نفسي بس ماقدرت!! تعرفون ليش غضبان؟ بكل بساطه لاني,,,,,,

اولا/
ماقدرت اروح اشوف راسلمينيا 31 مع اخي وابن عمي ولاحد منا راح بسبب المشاكل,,

ثانيا/
قلت خلاص بحمله من الانترنت حق بيتنا وبدأت احمل لوما وصل التحميل الى 345 ميجابايت

من مجموع كلي 1.25 جيجابايت! وعلى السرعة الخارقة جدا للانترنت في اليمن فقد أظطررت

ان انتظر حوالي ساعتين لكي يصل التحميل الى ماوصل عليه وكان باقي له حوالي 3 ساعات!

هذه اول مره تحصل لاني كل مره احمل المصارعة ماتاخذ بالكثير الا ساعة ونص بس!! وهذه

المره اخذت كل هذا الوقت؟

ثالثا/
كما قلت وصل التحميل الى 345 ميجابايت وفجأة تنقطع الكهرباء؟؟ ولكم؟ لدقيقة فقط بسبب

خطأ تافه في هذه الحكومة التافهه اللعينة الحقبرة! وبعدين سرجو الكهرباء وانا عملت استكمال

تحميل بس المشكلة حصل نفس الشيئ؟ مرتين وثلاث مرات!! وبعد المره الثالثة اجي اسوي

استكمال للتحميل حتى برنامج داونلود ماناجر غضب وقال لي(يااخي ماقدر استعيد كل الملفات

وانا مظطر احذف ملفات منشان ارجع مره ثانية!) فهمتو قصدي؟ يعني بدل ماكانت 345

ميجابايت رجعت 267 ميجا؟ وانا غضبت وقلت/بحاول ارجع الامور الى نصابها والغيت التحميل

وفتحته من جديد وهو رجع من 267 الى 113 ميجابايت؟؟؟ وامكانية الاستئناف صارت (لا) والوقت

المتبقى 31 ساعة!!!

في الاخير انفجرت وقلت(خلااااص مابحمل من هنا بخلي واحد صاحب محل انترنت يحملها لي وخلااص اللعنة على الدولة الفاسدة هذه!!)

وهالحين انا بكتب بالضبط بعد هذه الحادثة الاليمة والمغضبة جدا نفسي والله اشوف واحد يغضبني اقوم اضربه واطيب نفسي!!

اوووووخ,,,, لكن ماتخافو بالذات انت يالي قلت لي اعطيك النتائج حق المينيا انا بشوفها اليوم ان شاء الله وكما وعدتك انك اول من يعلم انا دائما ابقى على وعودي

بس هالحين انا اقول زي ماقال تربل اتش لباتيستا وراندي اورتون السنة السابقة/

"NO ONE IS GETTING ANY THING"

ياللهوووووول اووووووووووووووووووووووووووووووف حسبنا الله ونعم الوكيل