منتديات العاشق - قصة عبد تحولت لحرب

السلام عليكم ورحمة الله وبركاته

كيفكم عشاقنا اليوم؟

إن شاء الله في تمام الصحة والعافية

ما أطول عليكم خلنا نبدأ بالقصة

كان يا مكان في قديم الزمان وسالف العصر والأوان

كان واحد مزارع يدور عن عبد يبي واحد يساعده في شغل المزرعة

وراح سوق العبيد وشاف ما شاء الله من عبيد

ومر على تاجر :

التاجر: هنا أحسن عبد ما يكذب في السنة إلى مرة
المزارع: واااااااي أحسن من إلي شريتهم من قبل كلهم كذابين وهربوا من عندي وكذبهم ما يخلص

المهم المزارع شراه بذاك السعر

وراح وشغله معاه في المزرعة وصار العبد إيده اليمين

طبعاً العبد شاطر في كل شيء

وحبوب ولين نكت الكل يضحك

ففي يوم من الأيام :

راح لزوجة المزارع (يوم كان المزارع خارج المنزل)

وقال ليها

العبد: إلحقي ريلش بيعرس عليش وإنتي قاعده
الزوجة: مين قالك ؟
العبد: سمعته يكلم واحد
الزوجة : ويش الحل؟
العبد: أعرف ساحر بيخليه ما يعرس وبيموت فيكي وبيصير زي الكلب عندك

الزوجة: ويش المطلوب؟
العبد: روحي نص الليل و قصي شعرة وجيبيها إلي
الزوجة : ماعليه

بعدين الزوج رجع البيت "

العبد: تعال أقولك حاجة خطيرة
الزوج: ويش هي؟
العبد : زوجتك
الزوج: إيش فيها؟
العبد : تبي تقتلك
الزوج: كيف عرفت ؟
العبد: متفقة مع ساحر منت مصدقني نص الليل خلك صاحي وبتشوفها

وفي نصف الليل:

كان الزوج (المزارع) صاحي يسوي نفسه نايم

جاءت الزوجة ومعاها سكين وقربت

ومسكت لحيته

المزارع : تبي تقتليني ها
الزوجة : بسم الله الرحمن الرحيم مين قالك بقتلك؟

وتشابقوا وطعنته في إيده وقتلها

وراح العبد بسرعة وخبر عشيرة الزوجة وخبر عشيرة الزوج

وصارت حرب دامت20 سنة

طبعاً الموضوع منقول من جدي الله يحفضه ههههههههه

مع تحياتي