منتديات العاشق - قوانين الطبيعة

~بسم الله الرحمن الرحيم~

~بما انه صرلي أكثر زمان بالمنتدى بدون اي موضوع~
~حبيت أن أبدأ بموضوع بسيط جداً و هو عبارة عن أهم قوانين اللطبيعة~

~ المهم نبدأ ~

http://im21.gulfup.com/2012-01-17/1326812275661.jpg

قانون الاصطفاف :

إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت فيه

قانون التلفون :

عمرك ما تتصل على رقم غلط ويطلع مشغول

قانون التصليح :

بعد ما إيدك تتزيت وتتوسخ من الشحم ودهن الماكينة، أنفك يبدأ يحك

قانون المعدات :

إذا وقع من إيدك أي شي، تأكد انه بيظل يتـدحرج إلى أن يوصل لمكان ما تقدر تطلعه منه

قانون الأعذار :

إذا تأخرت عن الدوام وقلت لرئيسك أن كان الدولاب عندك بنشر، اليوم اللي بعده يبنشر من صح

قانون المسبح :

بعد وضع جسمك في الماء، يبدأ التلفون يرررررن وما يسكت

قانون الالكترونيات :

إذا أخذت جهاز عند مصلح بدك توريه انه ما يشتغل، لحظتها يشتغل أحلى كلام

قانون السينما :

اللي حاجزين كراسي في النص لازم يجون آخر ناس ويدوسون على رجلك

قانون القهوة :

أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك

قانون المصادفات :

إذا كنت مع واحد ما بدك حد يشوفك معاه، فجأة كل اللي تعرفهم يطلعون من كل مكان

قانون الأقساط :

إذا عندك سيارة أو طراد أو أي سلعة مطلوبه للأقساط،،، مجرد أن تنتهي الأقساط تخترب !!!

قانون المعاش :

آخر الشهر لازم كل العزايم والهديا والطلبات تزيد ) حبكت يعني(!!!

قانون الطقس :

لازم بنهاية الاسبوع وانت متحمس بتطلع حدائق أو تروح البحر مع الاهل

يصير الجو هوى وغبار وحر و رطوبة بمعنى ثاني الفصول الاربعه بيوم واحد

و أخيرا قانون البحث :

إذا حبيت تحكي موضوع مع أحد (ما تلقاه).... مع إنك كنت كل يوم تشوفه

http://im21.gulfup.com/2012-01-17/1326812275661.jpg

إلى لقاء آخر أحبتي أعضاء منتدى العاشق