عطنـي شمآغـك بضمّـه علـى صـدري
و أبنعش عروق الوصل بقطرة مزونك
أدمنت حبـك و حبـك فـي دمـي يسـري
يالعنـبـوهـآ كـيــف جننـتـنـي عـيـونـك
وأنهـكـت قـلـبٍ يحـبـك يابـعـد عـمـري
ليتي احسك ذنب وابتعد عنك و أتوبـك
بــأيــام فــرقــآك يـخـتـبــر صــبـــري
ماتحملـت الثـوانـي بعـيـد عــن كـونـك
ماأطـيـق المـفـارق والـزمــن يـجــري
ضمني يالغلا بالعيـن و لحفنـي جفونـك
فــي كــل ليـلـه أنـحـب مـــدى بـعــدي
ويضج فيني صدى ضحكآتك و سكونك
وعلـى هـمـس الأمــل يبتـسـم فـجـري
و يبتهج صبحي على ذكرآك و جنونـك
وترتسـم أحلـى الأمـآنـي لــدى فـكـري
ويـتـلـون يـومــي بــروعــة طـيـوفــك