انا ما رحت حتى ارجع ولا ارجع لا بغيت اروح = اعرف اني الـى منـي بغيـت
العلـم سويتـه
تبي تبني وانا اللي ينهدم بيتي ..؟ كذا مسموح = توكّل واجمـع آخـر مـا تبقـى لـك وخليتـه
انا حتى عـدوي لا لفانـي .. مارجـع مجـروح = احاول بيني و بينـي و اقـول انـي تناسيتـه
كسرت الحاجز اللي ما كسرته بيـن روح وروح = حشمتك حشمة الضيف العزيز اللي انخرب بيتـه
ودريت اني .. دريت انك: دريت ان احتظاري بـوح = واعرف انك .. عرفت اني: أشد العلـم لا ارخيتـه
ابعطيك الكلام اللي .. بلاش اللـي : لأنـك لـوح = بلا عقل وبـلا منطـق ولا قلتـه ولا اوحيتـه
اذا صوت القناعه يا (رجل) في داخلك مبحـوح = ترى صوت القناعـه داخلـي لا نـام صحيتـه
واذا طبعك على باب التطبع يا (رجـل) مفتـوح = انا طبعي طبع واحد.. كثر مـا عشـت ربيتـه
نهايتها .؟ انا مارحت ..ولكن لا نوووويت آروح = حرام فْلا عملـت حسـاب مثلـك او ..ترجيتـه
مشكور اخوي هيثم على طرحك
الاكثر من متألق ورائع
كونه انك طرحت جمال من الشعر
الا انك طرحت حكم ومواعظ نتعظ بها
في حياتنا اليوميه والابديه
وتأكد ما اخذ الله منك شيئا الا ليعوضك باحسن منه
ودي ودي قبل ردي