السلام عيلكم كيفكم
انشاء الله طيبين
اليوم جبتلكم قصيده مال واحد ضايج
ما أحمل بعد طعنه جديده
ضل هناك خالي وعيش مرتاح وأنته بكيفك وتعرف مصيرك
ஜ۩۞۩ஜ ஜ۩۞۩ஜ ஜ۩۞۩ஜ
للمره الاخيره وياك الاعتاب صدگني أبد مو قصدي أثيرك
ஜ۩۞۩ஜ ஜ۩۞۩ஜ ஜ۩۞۩ஜ
أذا زعلان مني انطيني اسباب وأبقه بعيد بس حكم ضميرك
ஜ۩۞۩ஜ ஜ۩۞۩ஜ ஜ۩۞۩ஜ
مو سهله عليه آنه أول انسان يبدي بعشرتك ويصير اخيرك
ஜ۩۞۩ஜ ஜ۩۞۩ஜ ஜ۩۞۩ஜ
وفَرض حبيت غيري مودع وروح وأتركني وبعد ماأضل اسيرك
ஜ۩۞۩ஜ ஜ۩۞۩ஜ ஜ۩۞۩ஜ
كتابي انته وحرامي الباگك بليل هسه من الحرامي آنه أستعيرك
ஜ۩۞۩ஜ ஜ۩۞۩ஜ ஜ۩۞۩ஜ
حسافه شگد حسافه التامنه يخون وأنه أمنتك عله أيامي وشبابي
ஜ۩۞۩ஜ ஜ۩۞۩ஜ ஜ۩۞۩ஜ
ولجلك قفلت عالروح بيبان وألك بس أنته ضل مفتوح بابي
ஜ۩۞۩ஜ ஜ۩۞۩ஜ ஜ۩۞۩ஜ
أحس آنه بعذابك گبل لتكول وأنه أتحداك أذا تدري بعذابي
ஜ۩۞۩ஜ ஜ۩۞۩ஜ ஜ۩۞۩ஜ
ولآ أحمل غيابك ولو لحظات وأنته سنين تتحمل غيابي
ஜ۩۞۩ஜ ஜ۩۞۩ஜ ஜ۩۞۩ஜ
أخاف أنسئل عنك وانحرج خاف اذا يختلطن دموعي وجوابي
ஜ۩۞۩ஜ ஜ۩۞۩ஜ ஜ۩۞۩ஜ
بقايا رماد هسه وياك ظليت بعد شيفيد من تسمع عتابي
ஜ۩۞۩ஜ ஜ۩۞۩ஜ ஜ۩۞۩ஜ
أخذني وصيح بيه بصوت دلال وبيع بأي سعر واخذ التريده
ஜ۩۞۩ஜ ஜ۩۞۩ஜ ஜ۩۞۩ஜ
يكفيني الگلب متروس طعنات مايحمل بعد طعنه جديده
ஜ۩۞۩ஜ ஜ۩۞۩ஜ ஜ۩۞۩ஜ
يكفينه أنتهينه وصار ما صار وأحرگهه لمن تگضي القصيده
ஜ۩۞۩ஜ ஜ۩۞۩ஜ ஜ۩۞۩ஜ
صرت مثل اليفز من نومه حلمان وصرت مثل الطفل من يگضي عيده
ஜ۩۞۩ஜ ஜ۩۞۩ஜ ஜ۩۞۩ஜ
وتدري أنته عرفتك قبل هالناس وغيري بهالزمن ياهو الوفالك
ஜ۩۞۩ஜ ஜ۩۞۩ஜ ஜ۩۞۩ஜ
صح ممكن چنت محسود ويّاك وهواي من البشر رادوا وصالك
ஜ۩۞۩ஜ ஜ۩۞۩ஜ ஜ۩۞۩ஜ
لكن لبه صدّگ رادوا تصير سلعه بعينهم شافوا جمالك
ஜ۩۞۩ஜ ஜ۩۞۩ஜ ஜ۩۞۩ஜ
رادوا ماتضل باوراقي مكتوب ورادوا ما يضل أسمي أعله بالك
ஜ۩۞۩ஜ ஜ۩۞۩ஜ ஜ۩۞۩ஜ
عليهه ستكثراك الگلّك أنساه وأنته شلون أمنته الحچالك
ஜ۩۞۩ஜ ஜ۩۞۩ஜ ஜ۩۞۩ஜ
حضك عثراك وأمنت بيه لو مكتوبلك هذاالجرالك
ஜ۩۞۩ஜ ஜ۩۞۩ஜ ஜ۩۞۩ஜ
رحت عني ومشيت بلايه أسباب وبقيت الوحدي ومناطر خيالك
ஜ۩۞۩ஜ ஜ۩۞۩ஜ ஜ۩۞۩ஜ
أنجرح صوت البلابل والشجر مات جرح غنّه بلحن بچه البساتين
ஜ۩۞۩ஜ ஜ۩۞۩ஜ ஜ۩۞۩ஜ
وگمر ليل الشته تلثم بالغيوم بچه وكل گاع صحرى تحولت طين
ஜ۩۞۩ஜ ஜ۩۞۩ஜ ஜ۩۞۩ஜ
بچه وياك الورد ما رادك تروح بچه وسكته أنذبح فوگ السچاچين
ஜ۩۞۩ஜ ஜ۩۞۩ஜ ஜ۩۞۩ஜ
حرگ نفسه الزمن من راد ينساك وظل منه رماد وياي للحين
ஜ۩۞۩ஜ ஜ۩۞۩ஜ ஜ۩۞۩ஜ
أطشه ونص أللمه ونص خذه الريح وأظل أركض والم مثل المجانين
ஜ۩۞۩ஜ ஜ۩۞۩ஜ ஜ۩۞۩ஜ
من هذا عرفت اليوفي خسران وغريب أسمك يضل مالك عناوين
ஜ۩۞۩ஜ ஜ۩۞۩ஜ ஜ۩۞۩ஜ
تحيــــ وحشتوني ــــاتي