السنابس : ياأبوي الرجال مشغول ومقفل جواله هيا انقلع وحاول مره ثانية ..
تلاقي مرته مهاوشته وماله مزاج
لو يرد عليهم يتبجبج ..
اما اذا هوه الي متصل فهو من يسمع هالرسال يسكرهـ, يخاف مرته تصيده يكلم بنت !
المنامة : شحقه متصل ؟ توهـ مسكر جوآله اتصل بآجر الله لآيهينك ..
معصب من العجمي الي باق نعاله حزة الصلاة
لما كان رايح المسجد ..
اما اذا هوه الي متصل ويسمع مثل هالرسالة ع طول يسكره عشان ماينباق من فوجرهـ
لججججججة الأهبل اني ماآدري وش الي يصرف عليه !!
سترة : ان الرقم اللي ضغطته مصكوك .. يا بعد حيي إقدع وتقهوى لما يعود ..
تشووفه قاعد في الحوطة ويشيش ومسين على التلفون واهله ..
اما اذا هوه الي متصل, تروح على امن جابت الي مايرد عليه ..
كرزكان : هلا بولد الحلال توك على البال بس والله انا داخل(ن) الحمام , اتصل مرة ثانية ..
هذا مسكين دآيم يتصلون عليه في أوقات محرجة ..
ذا ع قد حاله, حده يسوي رررنه ويصك !!
الديـــر : عمى يعميك ماتشوف الرجال نايم , يلا صك , صك الله باب حلقك ..
طول الوقت منطبن لا ليله ليل ولا نهاره نهار , يخاف اذا رد تطير النومة ..
اما هذا اذا ردوا عليه جي , يلعن ويسب في سابع جد الي متصل لييه ..
المعامير : يا قليل الصلوات يوم نخاك مالقاك والحين تسوي روحك تتصل , حريمتك يرد عليك ..
هذا مسكين شايل في خاطرهـ عليهم ..
جداً حساااس ..
امااا المعاميري تباعدوا عنه , مايظل احد في الديرة مادرى انه حاقرنه فلان !
مدينة حمد : الرجال مو فاضي لك , يمكن يتصل قبل مايشخر " ينام " ..
يمكن رايح النادي أو يلعب كورة وقاط التلفون ع جنب واذا خلص اللعب قصوا ايدي اذا فريقه الي فااز ..
هالأهبل, اذا سمع مثل هالنص يتنرفز ويقرر يطلع مسيرة على الطرف الثآني ويسوي روحه بطل ومن يوصل عند الدوار يشقح شقحتين ويرد بيتهم !
عـــالـــي : والله هاللي ناقص يرد عليك ! ماتبيه يصك من هذرتك تالي , أقول إنطم ولاتعاود تتصل ..
هذا فيوزهـ ضاربة عباله الناس ميته على سماع صوته ..
واذا هوه اتصل ع الناس وحقروه يقاطعهم طول عمرررررررررهـ , مو منه من نفخة الخششة ..
المرخ : والله اذا رد عليك بيصفع على الخدين , يحقرك احسن ..
هذا مسكين ماعنده صبر دقيقتين ويسكر اووما بعد شايف روحه ..
واذا أحد حقره يتصبب عرقاً ويقعد يفاول ع الأوادم أكيد هذا فيه كيت وكييت ومسكين ذاك حاقرنه !!
كللهم مو صآحين
^
^
أقروه بهدوء عشآـأن تفهمون
حده نكته ههههههه
إيييه وشسسمآ بعد
الموضوع هرار × هرار
لا هم زي كذا ولا كذا
يعني من نسسسج الخياال ..
ولكنوووو ان شآء الله يخش مزآجكم