حاير شَعاتب ياوكت مثل العِطش في نص بَحـــــــــــــــــــــــر
والماي هُوه بحازتــــــــــــــه
مِثل العَدل بَس ماهِلك واگف بدَرب العِشــــــــــــــــــــــــگ
گدامه تمشي جنازتــــــــــه
مِثل الأرض في كل وكت دِسنه عليهه شكِثـــــــــــــــــــــــــر
بَس تُبقه غَصبن ساكتــــــــه
الروحي بَس رُوحي صُفت يتغازِلَن وكت او وكـــــــــــــــــــت
وگليبي تِكسر حالتــــــــــه
شَرد أحچي وشينفع حَچي او سَچين هَجرك بالجســـــــــــــــــد
چن مُهره بالبَر فالتـــــــــه
شَرد ابچي مَل حَته البچي وصَدگني خَلص كِل دَمــــــــــــــع
ماباقي بَس اوشالتـــــــــــه
راح اوگف بوَجه العِشگ وابني جِدار امن الحِقــــــــــــــــــــــد
بگليبي إلمن كابتــــــــــــــه
لا لَسه روحي ما گضت شُعلت هَواهه وجِــــــــــــــــــــــــرت
ما يوم ظلت خافتــــــــــــه
إرهَيفه روحي إعله العشگ ويدور دولاب الهـــــــــــــــــــــــوه
او ما يوگف إله ابساعتـــــــه
منك رغم كل ماشفت عَنك ابد لا ماجِزت هسه او بعدني ياجرح
يحلف إلساني بداعتــــــــــة
الشاعر{zain11}