السلام عليكم ورحمه الله وبركاته
كيفك خيو ساكو ؟! ان شاء الله بخير
مآآشآء الله عليك ساكو
دائما مواضيعك تكون رائع وذو معنى
طيب بخصوص موضوعك
فـ من وجهة نظري انا ماتفرق معايا
بنت او شاب كلو مثل بعضه في الاخير طالما وضعنآ حدود بيننآ
بصراحه من جهتي انا الكل اخواني سواء كانوا بنات او شباب
واتكلم مع الكل على هذا اساس انهم اخواني
وفي حال اني اكتشفت انو نوايا الشخص عكس الاخوه
فـ وقتها اسفه كل واحد في طريق
لانو بصراحه ما ودي اكمل مع شخص ما احترم الاخوه اللي تجمعنا وكانت نواياه سيئه تجهي
وبصراحه احنا هنا من شان نتبادل الافكار ونتعلم كل مفيد من بعضنا البعض
و من شان نتعرف على افكار بعض
مو من شان البنت تتكلم مع شباب بس والشباب مع بنات
فان اشوف انو كل شخص دخل المنتدى بس من شان يتعرف سواء بنت او شاب
فهذا الشخص مريض مع احترامي وافكارو 100% سيئه
وبخصوص المشكله انو انت طلبت من ولد صدآقه وحاب تتكلم معه
بس دائما تلقآء يكلمك من طرف خشمه ويحسسك في البدآيه انك مو مرغوب
هذا المشكله مو بس عند الشباب كمان هذي المشكله عند البنات
يعني كمان نحن البنات نكون حابين نتكلم مع بنات مثلنا فـ في بنات
ما يعطونا وجه يعني نجي نطلب صداقه ماتقبل وهذي سارت كثير معايا
واذا قبلت الصداقه نجي نكلمها ماترد علينا مع
انها موجوده وتتكلم مع غيرنا بس هيا مو حابه تتواصل
بس هذا مو معناه انو البنت ما تحب تتكلم مع بنت مثلها وبس تحب تتكلم مع الشباب
او الشاب ما يحب يهرج مع شباب مثلو وبس حاب يهرج مع بنات ,, لا طبعااا
في اسباب اخرى ممكن هذي البنت او هذا الشاب ما يحبك كـ شخص او انو انت ما داخلت راسو او .. الخ
وممكن يكون مثل ما تقول انت ما بدو يتكلم مع شاب مثلو
فـ في هذي الحال انا اقولك هذا الشاب دخل من شان يتعرف وبصراحه انت تزعجو بطلب الصداقه
يعني ايش يبغى فيك انت ولد مثلو فمن شان هيك بتشوفو يتكلم مع بنات وما يعطيك وجه
فان اشوف انك تبعد عن المرضى اللي افكارهم سئيه اللي يدخلو المنتدى من شان تعارف
وبعدين انت اتكلم مع اللي يتكلم معاك وطنش اللي ما يعطيك وجه
يعني مافي اي داعي من انو نقسم المنتدى قسمين شباب مع شباب وبنات مع بنات
يعني وبختصار كل شاب مو حاب يحكي مع بنات لا يقبل الصداقه
اختصار للوقت و الكلام وكمان البنات
واللي قبل كدا كان يتكلم مع البنات وقبل الصداقه مع البنات
ودحين فكر وشاف انو مو لازم يتكلم مع بنات
خلاص سهله يحدفهم من القائمه ويوضح لهم انو ماعاد يتكلم مع البنات
واكيد البنات حـ يتفهمو وما حـ يزعلو لانو احنا في الاخير دخلنا المنتدى
مو من شان نتعرف من شان نستفيد من بعضنا
فان اشوف انو عادي البنات والشباب يتكلمو مع بعض طالما حـ كون ضمن نطاق الادب
وبعدين كل واحد يسوي اللي يشوفو صح ,,~
المهم في الاخير هذي وجهة نظري ,,~
واخيرا ساك يسلمو كثير على هالموضوع
عنجد موضوع رائع وجميل
في انتطار ابداعاتك القادمه
تقبل طلتي وردي وتقييمي ,,
كل الود لروحك ,,
