|
••ஜ◦ ع‘ـمـر ـآلـزمـن م ـآحقـق لـخ ـآطـري شـيءّ ◦ஜ••
عمر الزمـن ماحقـق لخاطـري شـي
جعل العـوض فـي مقبـلات الليالـي
ان قلت ابي هذي رفض قال خذ ذي
وان جيت ابيها قـال هـذا محالـي
اقبل عليه وعكسي الوقـف مقفـي
ولاصرت مقفـي صـار يضحـك قبالـي
واجلس بصال الشمس والناس في فـي
وليـا جلسـت بظـل عجـل وزالــي
تطويني حبال الشقى بالشقـى طـي
دلـو تمرجـح بيـن واطــي وعـالـي
الوقت باليني وانـا منـه مبلـي
الوقت بالينـي وانـا منـه بالـي
ومرت حياتـي كلهـا كـي فـي كـي
ضايق وضايق واكذب ان قلت سالـي
بين الرجـا والا رجـا ميـت وحـي
لا كمـل الناقـص ولا هـو صفـالـي
وحاولت اخفف من بعض حملـي شـوي
لقيـت حملـي زاد مـن سـوء فالـي
تبدل الميـزان فـي وقتنـا العـي
وقـت تعيـش بـه الرخـوم بدلالـي
ياوقت ليه توثـق القيـد بيـدي
وترميـنـي بـجـم المهـالـك لحـالـي
ياوقت خـذ حقـك وخـل الـذي لـي
ياوقت ليـه الغطرسـه والتعالـي
مدري البلا فالوقت ولا البلى بي
ويـن الرفيـق الـي يجـاوب سؤالـي
وين الجواب الي ليـا قيـل يشفـي
ويخفـف الـي مـن زمانـي جـرا لـي
|