يا كلبي هم تشتاك لو فاركتهم
كال اني مو وياك غير اني عدهم
كون تعرف لوعات كلبي اليريدك
جا خلصت عضات من حيفك ايدك
خذ للكلب سونار وتأكد شبيه
صدكني بالتخطيط تلكه اسمك عليه
ادري علي زعلان غيرك شعدي
غلطه وكلت مليت يا جلمه ردي
يالطالع من البيت حسنك مصيبه
لازم هلك عالناس تاخذ ضريبه
حاير وافكر بيك كل عقلك انساك
كلبك انشده بهاي تلكاني وياك
يا هم تشيله الروح يا هم تعوفه
ومحبوبي عني بعيد وشلون اشوفه
عطشان اضل عطشان واروى من اشوفك
بطرانه اهل ذي قار يردوني اعوفك
اخدر بعد مترات لمن احس جاي
هيه المصيبه شلون من تكعد وياي
حرموني نوم الليل يردوني انساك
خافوا انام الليل وبحلمي الكاك