يبو جفوف الشمع لاتمس خد النار
بل لا يخطر ابالك تصد ليها
اذا يسرح خيالك تكبر الافكار
وتضيع الحقيقه وكل صدك بيها
تتلاشه الملامح تكثر الالوان
وبحور السراب القطره مابيها
جفك من يذلك اكطع الجفين
خاف الثاني بس تغفل يسويها
من حبنه الورد نعشك شذاه
لكن هل يصح كل ورده نجنيها
مقامات البشر واقع فلانخفيه
مكشوفه الشمس فنه اليغطيها
ابسط من عشك بالروح ماموجود
لكن بالمحبه التحب يدريها
واذا حبك بنيته اضغاث من احلام
سهله شكد اذن الاحلام نبنيها
واشكد هينه نبني قلاع فوك الغيم
لكن منهو واصلها وسكن بيها
دنيه بلاعشك ماتنشره وتنباع
هيج الحلي غنه وماني نافيها
بس ثوب التمزك مانشكله الثوب
حلات الثوب ركعه منها وبيها
الى من احبها القلب
تحياني ابن حديثه@