الزمان يوم من أيام صيف عام 2052
الجدة : أنتي كنتي فين يا فتفت ؟
.... الحفيدة : أصل إحنا أخذنا الولد من الحضانة
الجدة : ولد !! ولد إيه اللي أخدتوه من الحضانة ؟
الحفيدة:آه أنا نسيت أقول لك .. أصل أنا جبت ولد من سمسم صاحبي
! الجدة يابنتي مستعجلين على إيه مش لما تتجوزوا؟حسبي الله ونعم الوكيل
الحفيدة : يا سلام عليكي يا تيته .. أنتي عليك تحكيمات غريبة .. طيب إيه اللي يمنع نخلف من غير جواز أنا شخصيا عملتها ونفعت
الجدة : مشكلتي إني مابعرفش أزعل منك يافتفت ياعكروتة .. وسميتو المحروس إيه بقى
الجدة : نعم .. دوت كوم ؟ نظام هاد بقى ؟ يعني لما تعوزيه تنادي له تكبسي أنتر ولا إيه بالضبط ؟
الحفيدة : هاهاهاها إيه الخفة ديه يا تيته .. والله فكرة لما أعوز له أدوس أنتر ولما أحب أقول له روح عالنوم أدوس alt وf4
الجدة : وأخدتوه من الحضانة وديتوه فين بقى :
الحفيدة : وديناه النادي الصهيوني بتاع الحي
الجدة : النادي الصهيوني بتاع الحي ؟؟
الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جدا وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة .
هه أفتح لك التلفزيون ياتيته عشان تشوفي نشرة الأخبار
الحفيدة تضغط الريمود كنترول لنرى شاشة كبيرة بطول وعرض حائط الغرفة وتظهر صوت المذيعة مصحوبا بلقطات للأنباء تقول
المذيعة : هاي شلة ! إليكم عناوين الأخبار
أمريكا ترصد 25 مليار دولار لرأس تامر بن محمد بن أسامة بن لادن
المتهم الأول في تفجير قصر السفير الأمريكي في أفغانستان
واشنطن تتهم ليبيا بتفجير سفينة فضاء فوق كوكب المريخ
وزير الاقتصاد يصرح : إعدام الفقراء هو الحل لخروجنا من عنق الزجاجة
زهوة ياسر عرفات تطالب بانسحاب إسرائيل حتى حدود عام 2062 وإعلان الدولة الفلسطينية في مايو المقبل
سيريلنكا والفلبين تطرد خمسة آلاف خادمة عربية
إسرائيل ترفض الانسحاب من البصرة إلا بعد ضمان أمن مستوطناتها في بغداد
اشتباكات على الحدود الإسرائيلية المغربية
زفاف المطربة صباح على حفيد الفنان الراحل راغب علامة
رئيس قطاع الإنتاج لم يستقر بعد على بطلة فوازير رمضان ويعقد اجتماع مع السيدة توتي محمد صفوت الشريف وزيرة الإعلام الجديد لمناقشة هذه القضية
الفنان محمد هنيدي يهاجم نجوم الكوميديا الجدد
الجدة : لأبقى حسبي الله ونعم الوكيل فيكم فعلا ويغمى عليها
أتمنى الردود والتقييم 