جنيت هواي انت بعشرتي ذنوب ولامرة اشتكــيت الحال منك
واعديهن واكلك تصفةالكلوب ولا بالظــهر مرة حجيت عنك
تكلمني بكلام يعذب الحال وابررهة بجهل وبصــغر سنك
انا مليت منك تغلط وياي ولامرة ذنوبـــك حاسبنك
بعت عشرتك كوة ووجهي اندار بس بداخلي تمنيت احضنك
اجيتك دمعي يجري وذني العيون عساهن بالعمى ماوادعنك
ومن سـألوني عنك رغم الجروح قســم احلى الكلام احجيت عنك
الناقلك حجي ماناصح وياك ولاخايف من الله الهمس بأذنـــك
تلكاني يمحبوبي بالاحضان وعني الوجه الاسمر لاتديرة
بدونك اني طير وجنحي مكسور وبدونك فرحة العاذل جبيرة
وترة عيونك بدوني تفارك الشوف وبدوني تعيش كل عمرك بحيرة
تلكاني حبيبي وخذني بيديك ولاسمع حجي البايع ضميرة
بعد مابية حيل اني ازعل وياك دخيلك هاي زعلتنة الاخـــيرة
للشاعر عادل محسن
__________________