ساعات الوداع
خفت ماردت ازعلك من نويت تروح
يمّك ما بجيت الدمع كضيته
رسم حطيتلك بسمه بثواني وداع
لآموبسمه هاي الجرح حطيته
انه مابين بسمه ودمعه ضكت الموت
من كتلي تروح الطعم حسيته
ولأن ساعتهه احس الدمع ممنوع
أظن من ما وراك الدمع حبيته
جنت ما منتبهلي البسمه جانت زور
آنه بوسط روحي الصخر بجيته
لأن ماردك تحس بالدمع مجبور
عن صوت الجروح الدمع غطيته
حوّلت الدمع يمك النظرة شوك
وحوّل المناشغ ضحك سويته
من ساعتهه ذيج وما حجيت الصار
بس يمكن بدمعي الخبر طشيته
تحياتي