**********************
ياللي دفنتو جثته ليه تبكون
لولا الحيا لاقول معكم خذوني
****
منه أنحرمت وكنت أنا عنه مسجون
ماذكر لمحته غيره مرة بعيوني
****
شفته وكنت الكفن يوم تمشون
أبقى معه بالقبر ثم تدفنوني
****
أو ليتني من خلفكم كنت مجنون
اتبع خطاكم والعذر هو جنوني
****
أبكي وراكم وادعي ان كان تدعون
مايكفي انه عاش عمره بدوني
****
تكفون هاكم عمري اليوم تكفون
يرخص حياتي دام خابت ظنوني
****
مافادني صبري ولا فادني عون
ولا فادني دمع(ن)حرق لي جفوني
****
يأما بكيته والبكا يحرق عيون
ميت أو انه حي دمعتي بعيوني
****
العام كان بفرحته يعزف لحون
واليوم تحت الأرض ماهو بكوني
****
لكن أنا في فرحته كنت مدفون
فوق الثرى واليوم موته سجوني
****
سميته قلبي عقب فرقاه ملعون
هو والليالي عن هناه أمنعوني
****
ياليتني ماعشت لحظه بها الكون
وياليت ربعي في سكات أذبحوني
****
وياليتكم عن همي اليوم تدرون
منه انحرمت ومن عزاه احرموني
****
حتى بوافتي يوم أنا طحت مطعون
أخفيت طعناتي قبل يفضحوني
****
بكيت لاكن ماظاهرت بالهون
أبكي وأقول الموت سبه طعوني
****
وان كان في حبي أنا ماتحسون
ودوني لقيره وشوفو عيوني
*********************
وسلامتكم