السلام عليكم
مساء\ صباح الانوار عليكم أعضاء العاشق
كيفكم أنشا الله تمام
عساكم بخير
ساكت شرد أكلك هوه ضل السان
عندي وبيه أسولف وأعترف معجب
شفتك من بعيد وخذت كلشي وياك
آنه أدري شراح تاخذ ني من تقرب
ما مرتاب منكبس أحس بخوف
وبعيونك أحس كل نظرة ألك مطلب
يبو عيون الصكر سابينه من مرتاح
ننطي وجوهه لي وين من تغضب
على كيفك وياي وشوفني با حال
تعبني العشك ما بيه بعد أتعب
يابس زرع روحي وضامه من النار
ونارك بالزرع شيكضهه من تلهب
تحيرني البرائه شما أفكر بيك
ماعرفك صدك وياي لو تلعب
الغريبه البيك توكما تعرف الشوق
وشلت حال كلبي البيك هيه أغرب
بسهل طبيت كلبي وما كلتلك وين
يالشايل كلب للموت ما ينطب
يالشايل كلب <<
يعني قلب مو كلب هههههه
ماحبك بعدني وكلشي بيدك صار
جا شيضل علي لو من صدك تنحب
مو مثل البشر لاعمي عشكك موت
موت وشلي بيه ما منهكل نهرب
أنت الحلوه بيك شكد صعب وياي
وآنه الحلوه بيه وياك ماأصعب
متناسبي كلي حتى أضل مرتاح
متناسبني أشوفن هذا حل أنسب
ماحبك لأن ماشفت هيج أوصاف
والكلّك أوصفك نافق وجذب
ملعب للجمال ووحدك اللاعوب
وبحسنك صرت لأهل الحسن مضرب
وعيونك بيارغ هوّست عالناس
أحنه الأسسنه الملعب وأحن النلعب بيه
وشحده اليطب وياك للملعب
تبين من بعيد شما مشوا وياك
حجر همه وصرت من دونهم كهرب
تسب الناس كل خطوة جدم عالكاع
أذاً لتضوج من تنسب
معقوله أنته أكلك أكل هاي الناس
ونفس الماي تشرب منه من تشرب
كل لأهلك دخيلك خلهم يضموك
أنت الماكو منك خاف لآ تخرب
ومن يكثر المثلك خلهم يطلعوك
بلكي تضيع لمن بالشبه تنذب
أطلت عليكم .....
بس حلوه تستاهل أنكم تقرونهه
تستاهلكم وتستاهلونه