كرهتك آآآه كرهتك....
بعين وكحة وبسمة صلفة وشفة ترجف...
تعثر لساني التايه كلمة اوف... جيت اودعك جيت اعوف..
جيت اكلك بلايا خوف...هيج سهلة تذبها انت للظروف؟؟!!
هيج سهلة تذب كلب ريان بانياب السيوف؟؟!!
شنو سلعة؟ آني مو سلعة رخيصة وأنت بأسواق الهجر بيها تطوف..
ولاآني شمعة اعتلك وأطفي برغبتك لو ردتها تضوي دربك من تشوف!
حولت دنياي ظلمة بعد ما جانت ضوية وجنت بعيونك اشوف..
جنت احسبك سند وسفة صرت بيت بلايا طوف..
جايني هسه برهاوة تكلي جبرتني المشاكل وانت أعلم بالظروف!!؟
ياحسافة وياندامة وياشكلك غير اوف وياشكلك غير اوف!!