|
عزيزي الصرصور....؟؟
عزيزي الصرصور
بخصوص انك لاحقني من ارنة لارنة
لتكون عم تطبقني مثلاً
عزيزي الصرصور
مابحبها هالحركات انا!!
عطي صوت وانت فايت تاني مرة
عزيزي الصرصور
بخصوص انك بتطلعلي اغلب الاحيان بالليل
شو قصدك مثلا؟؟؟
عزيزي الصرصور
خلص...سدئت وآمنت انك اكتر حيوان بيخوف بهالدنية
بطلها هالحركات بئا
عزيزي الصرصور
بخصوص انك بتعرف اني بخاف منك ومع هيك بتضل لاحقني وعامل فيها ارهابي خطير
ماشفت شو صار باسامة بن لادن مثلا؟؟؟
عزيزي الصرصور الاشقر
لتكون مفكر اني رح اعجب فيك مثلا؟؟
عزيزي الصرصور الطيار
لييييييييييه؟؟؟ماكنا حلوين...
عزيزي الصرصور الطيار
بخصوص اني وقت شفتك صرت نط وولول وانت صرت تورجيني شطارتك بالطيران!!
شو فكرت اني عم احتفل بطلتك مثلا؟؟؟؟
عزيزي الصرصور الطيار
بوس ايدك مثلا؟؟؟؟
عزيزي الصرصور
بخصوص انو مابتطلع الا بالصيف
ليش الندالة يعني؟؟ضروري تنزع علينا العطلة
عزيزي الصرصور
بخصوص انو فصل الشتا قرب
رح اشتئلك يا أزعر
|