السلام عليكم ..
بشأن انمي هآنتر فهم حذفوا لقطة كايتو يوم يظهر لقون .. وهي من المانجا .
فلوا ظهر كايتو مجدداً متابعين الانمي بهذه النسخه راح يقولون , منهو هذا ؟ وكيف يعرف قون ؟ وكيف قون يعرفه ؟ , فراح يكونون في جهل بشأن هاذي الشخصيه .. واظن ان هذا وحده كافي لـ يسمى تحريف .
ثاني تحريف هو الشخصيات بشكل عام ..
لو قلنا شخصيه كيلوا على سبيل المثال .. ما حب اكرر كلامي ولكن اقولها عشان اوضح التحريف يلي شوه الانمي بدرجه كبيره ومقرفه للغايه ..
شخصيه كيلوا بالسابق كانت شخصيه هادئه جداً من اول ظهور لها فقط لكن بعد ماانسجمت مع قون تغيرت الشخصيه واعتبرت قون هو مغير حياتها وزي كذا .
لكن اول ظهور له كانت فعلاً شخصيه ثقيله ما تعطي اهتمامها لآي احد أبداً .. ولا حتى تفكر فيه .
كانت شخصيه تنبهر من الناس بشكل اقل دائماً وماتهتم بالي يقدمونه لانها شخصيه قوية وواثقه من نفسها .
كيلوا بهاذي النسخه على طول انسجم مع قون وصار معاه بشكل مباشر .
كيلوا من الاساس ليش كان يتعب نفسه ويلحق قون ويجي معاه .؟
لان شخصيه قون زرعت صفات وغيرت كثير من شخصيه كيلوا .. والتغير هذا بنظر كيلوا نفسه كان جميل جداً واحبه فلذلك كان يأتي مع قون بكل رحلاته ويشاركه اهدافه .
لكن ان كانت الشخصيه نفسها من البدايه على طبع معين وحتى يوم رافقت قون لحد الان على هذا الطبع .. يعني وش استفاد .. الي اذكره ان كيلوا كان يأتي مع قون عشان السبب الي فوق .
ولكن هنا لا .. شخصيه كيلوا ظهرت بشكل اللطيف المؤدب البريء .. غير ماعهدناه سابقاً على كيلوا , المجرم الي لا يهتم بمن امامه اي شي يضايقه يتعامل معاه بالقتل واقل شي يسلب احد اطرافه .. يعني كانت شخصيه مجرمه درجه اولى .. وغيرتها شخصيه قون وعشان كذا هو كان يرافقه .
لكن هنا هو ليش كان يرافق قون بما ان قون ما احدث اي تغيير ؟ هو ظهر بشكل وماراح يتغير عليه .
وصراحه التحريف من ناحية اللقطات كثير .. وخاصه لقطة القلب .. كيلوا بالمانجا وش سوى بالقلب ؟ قطعه تقطيع لا وظهر شكل القلب صح !
ماظهر لي حفاظه اطفال ! زي ماشفنا بهاذي النسخه ..
وانا صراحه كرهت القائمين على الانمي حالياً لانهم فعلاً شوهوه تشويه غير طبيعي غير السابق تماماً !
بالنسبة للفلرات ..
انا صراحه اقولك الانمي الي تجي فلراته بنص الاحداث هو بليتش .. لكن انا لم اشعر بهاذي الضيقه لاني بديت اتابع الانمي وهو بالحلقة 338 .. يعني ماخسرت شي تابعت احداث القصة بدون اي ازعاج من الفلرات .
ولكن فعلاً المشكله ان الفلرات تعرض وسط احداث الارك .. ولكن هذا الشيء لا بأس به مقارنة بـ ان يتوقف الانمي !
بالنسبة لـ فيري تيل فهو في بدايته وفلراته قليله جداً وحلقات معدوده والسبب الانمي لسى ببدايته , ولكن اهداف الانمي وقصته راح تكون قصيره جداً لان الاهداف واضحه ومن خلال اهداف الشخصيات الرئيسيه يوضح لنا ان القصة راح تكون قصيره جداً .. ولكن انا شخصياً بنظرتي للانمي لم اشعر بأنه وصل للمستوى الي يراه بعض الاعضاء .