منتديات العاشق - عرض مشاركة واحدة - حبيبي ريح مزونك ذبل ورد الغرام وماااااات....

الشاعر الأليم · #1 09-28-2008, 07:22 PM

حبيبي ريّح امزونك .. ذبل ورد الغرام .. ومات !
تعال وجمّع اوراق ٍ .. بقت في ذاتي .. وذاتك

تعبت اقول لك إلحق .. على شوق زهق .. بسكات
تعبت .. آلوّح بيدّي .. قطار الشوق مافاتك

قعدت اتطاوع اظروفك .. و مرّك هالقطار .. وفات
و جيت اتلملم .. اشلاء الحنين .. بكف ّشرهاتك

تعال .. وطل ّ في جوفي .. وشف وش لك .. نمى بالذات
مشاعر .. كنت انا اغرسها .. وتسقيها بكلماتك

وغصن ٍ لو تبي تهزّه .. تساقط في يديك .. ابيات
كسرته .. و انثنى عِرق الشعور .. وشوف مأساتك

تغيب .. و لا تبي اشكي ..؟ وأحد يرضى على الغيبات ..!
حرام احيا مع اطلال .. بكت من صوت .. خطواتك

تذكّر كيف من زحمة .. حياتي .. اسرق اللحظات
وأزيّن .. من دموعي كف ّ .. لجل آشيل .. دمعاتك

تروح بدنيتك ناسي .. و انا جاالس مـع الحسرات
نعد ّ اذنوبنا .. و نسكت .. إذا جينا لغلطاتك

ونمشي .. نتبـع غيابك .. نعد ّ بدربك الخطوات
و نتراهن .. من الأكثر..! غلاك ..! او طول غيباتك..!

طلبتك .. فتّش ايدينك .. ودوّر للولَه ْ .. رسمات
رحلت و مـا رسمت ألا .. مسافاتك .. مسافاتك

صحيح ان الزمن ياخذ .. مثل مايكرم المدّات
مثل ما للنظر .. نكسه .. وشـف قدرك .. وطيحاتك

و انا ادري للرجل .. وقفه ْمثل ما للقدر .. وقفات
و انا اذكر للبَخت ْ .. بسمه .. قبل لاشوف بسماتك

واذا في شوفتك رحمه ..! فيمكن للجفا .. رحمات
احج ّ .. لشوفتك مرّه .. و لاادري وين .. ميقاتك ..!

وانا اللي كان لي قلب ٍ .. يضخ ّ الحب بالنبضات
وروح ٍ طيبها .. هفهف .. على قيعان زلاّتك

وشوق ٍ كان يتزايد .. كثر مابخافقي ... دقات
تجيني بعـد ذا كلّه .. و تسأل " وين دقّاتك "

وانا اللي امكلف ٍ نفسي .. اكابر .. واطرد اللذات
واشوفك .. ساهي عني ..وتتعذر ..بحجاتك

حصدت اللي زرعته و انت .. خوفك يحصد الغفلات
انا الغلطان لي قلب ٍ..( عَشق ْ فوق احتمالاتك ..)

تعيش بواقعي مره ... واعيش بواقعك .. مرااات
و ارتب .. مـن همومي .. مسرحيّه لجل ضيقاتك

ابرحل في غياهيب الزمان .. واركب مع السجّات
مع اني منْك متعطّش ... واجي شفقان قطراتك

مدام انك.. شحيح الما .. ذبل ورد الغرام .. ومات
حرام اغرس لك احساس ٍ .. زهق من طول .. غيباتك

خلاص ارجع... قطار الشوق ...مرّك من زمااان .. و فات
او اركب.. في قطار الذكريات ..
( إن ) كان مافاتك