_ _ _ _ _

. . . . . . . . . . . . . . . . . . . . . . . . . . . . . .


وصلت لدنيتي وحدي أبد مالي خيال انسان ..
مللت من الرحيل اللي خلق حزن اتجاهاتي ..


رجعت وبداخلي طفله تحب الياس و الحرمان ..
يتيمه فرحة الأيام تحاصرها انكساراتي ..


تعبت أحمل دفاتر حزن أردد كلمة النسيان ..
لفا يوم الوداع اللي يداعب همسه شفاتي ..


تحريت الفرح لكن خياله مر لي ما بان ..
سوى حزن يجدد أجمل أيامه مع ذاتي ..


تصورت الأمل انسان جارح يطلب الغفران ..
ذنوبه في الحشا زايد لهبها في معاناتي ..


وشفت ان الفرح شعب كبير غادر الأوطان ..
كتب تاريخــه احساسي ودونه بسجلاتــي ..


بقى حلمي وأنا لوحدي ودرب بيننا حيران ..
جعلني صمتي بموقف أمام اصعب خياراتي ..


ومدري من غلط فينا أنا و ألا القدر غلطان ..
وطاحت مني الدمعه غصب رغم احتياطاتي ..


حسافه كانت الذكرى على طاري الفرح أكفان..
يجمع لحدها البسمه وصوت آمال ضحكاتي ..


و أنا عقب الحكي كله حرقته صار لي دخان ..
أثــاري كل ما قلتـــه كلام يدينــه اثباتــي ..


قصيدة واقعي تصدق ولا تعرف معي حلفان ..
وشعور في قلم ذاتي يعيقه سير كلماتي ..


وأخيرا : قلت في نفسي كلام وشب لي نيران..
ابحرق كل اشعاري وابسمع راي جمراتي ...!

, , , , , , , , , , , , , , , , , , , , , , ,

مــنـــقــولـــ

ودمتـــم بخيـــــــــر