عرض مشاركة واحدة
  #1  
قديم 09-28-2008, 07:22 PM
الصورة الرمزية الشاعر الأليم  
رقـم العضويــة: 675
تاريخ التسجيل: Sep 2008
المشـــاركـات: 991
نقـــاط الخبـرة: 10
افتراضي آآآه .. لو تدري وش تسوي صباح الخير فيا

مريم.. وتضحك يرق الماء ويصفالي زماني
......... والمكان يطيب والرمـان يتكدس .. هنيا


قلت: رحلتنا تبي سكر .. وترنيمة اغاني
......... جاوبت: هات الاغــاني واترك السكر عليا


من شفايفها .. صباح الخير شكل وطعم ثاني
......... آآآه .. لو تدري وش تسوي صباح الخير فيا


تاخذ الما من يديه توصله شط الاماني
......... واهنييّ كلمّا مريم خذتني من يديا


اذكر اول ماتلاقيــنا.. تسمـرت بمكاني
......... حاولت عيني تشوف الدرب مير القلب عيا


الحلا فيها من اقصاها ولا للزين داني
......... كل مافيها خلقه الله من طلعة محيا


كلما عزّ الطلب عندي وقالت لي: عشاني
......... قلت: من هذي قبل هذي .. وجابتني حميا


قبلها.. ما طاعت اقدامي طريق الاّ عصاني
......... بعدها.. ماظل حلم أخضر بصدري ماتهيا
رد مع اقتباس