ضيقه
ضيقه
ضيقه
ضيقه مـدام الصـدور قبـور
.............. يا قابـر الهـم فـي صـدري
كسيت جوفي مـن الديجـور
............ وانت الضيا .. كيف يا بدري؟
احلامنا مثـل سـرب طيـور
.............. وطيرتها وين ! .. مـا ادري!
كيف الوفا من يدك مغـدور؟
.............. يا اوفى من يحـاول لغـدري
وانا اللي كنت اسرق الطبشور
.............. وارسم حروفك على جـدري!
تجرح حبيبـك بكـل سـرور
.............. وتضحك وهو منكسر كـدري
خلاص من بان لي المستـور
.............. بارفع عن مصافحـك قـدري
وبتـروح يالسكـر المغـرور
.............. مـن قمـة الــود منحـدري
وبكره تجي بآخـر الطابـور
.............. يـا سيـد النُعـس الخـدري
وآصد .. وتقول لي مشكـور
.............. وآقول مشكوور مـن بـدري
من يدري ان الزمـان يـدور
.............. ما همه ان كنـت مـا تـدري