منتديات العاشق - عرض مشاركة واحدة - أنا مثلك بحر لكـن وسـط نفسـي أنــا غــرقـان oOo

الشاعر الأليم · #1 09-28-2008, 07:22 PM

أنا يابحر ماجيتك فضى ولمشاهـدك شفقـان
أنا جيتك أبنسى الياس وبعض الهـم يبارنـي
على بالك أنا جالس أسامر موجك الغضبـان
أسولف له عن أوجاعي وعني وغربة سنينـي
علامك يابحر غاضب علامك تصرخ بكتمان

أنا جيتـك أبشكيلـك وأبـي منـك تواسينـي
أنا مثلك بحر لكن وسط نفسـي أنـا غرقـان
تعبت أبحر مع نفسـي وأسالهـا أنـا وينـي
أنا محتار في وصفي ومع نفسي أنـا حيـران
أنا لاقادر أفهمهـا وهـي تجهـل مضامينـي
أنا مليت من حزني وتعبت أبحث عن السلوان

ولاظنيت بـه شـي عـن أحزانـي يسلينـي
أحس إن الحزن عالم بحوره وصحوه وديـان
تخيل يابحر حجمه إذا حجمـه سكـن فينـي
تصور لو شقا الدنيا تجمع في كيـان انسـان

تصدق مابقى بالكون أسى مابات فـي عينـي
ترى كل الحزن لو غاب وراح لآخرالأوطان
يغيب ويرتحل لحظات ويرجع يستقـر فينـي
أنا آخر فصول الحزن وأنا لدروبـه العنـوان

م _ن_