|
مدربة فلكية.. ألفين سلام وتحية
مساء الخير عليكم جميعا يا آل الموقع
اسمحولي اولا اقبل ترحيبكم بيا وتهانيكم لتواجدي السعيد معكم اليوم.. شكرا شكرا
أحب اعرفكم بنفسي بما اني احدث اعضاء الموقع الرائع ده - اللي ياما استفدت منه واتمنى انى اكون مفيدة ليه -
أنا بنوتة مصري.. مدربة فلكية
خريجة كلية العلوم - قسم الفلك بجامعة القاهرة
وباشتغل حاليا مدير التدريب الفلكي بمركز دراسات واستشارات علوم الفضاء بالجامعة
وادعولي ربنا يوفقني وابتدي تحضير الماجستير على خير
يارب يارب
رغينا كتير ولعبنا كتير... ندخل فى الجد بقى
احم احم
زي ما حضراتكوا عارفين.. علم الفلك من أقدم وأروع وأهم العلوم التي تواجدت على الارض منذ القدم
لأن ببساطة.. علم الفلك هو تاريخ الكون ذاته
وازاي يقدر انسان انه يتطور ويبص لقدام وهو مش عارف تاريخه ولا حتى عارف يفك طلاسم الجمال المحيط بيه
احساسك ايه يا انسان قدام لوحة كونية بالغة الجمال والدقة
سماء مخملية مرصعة بالماس وتخفي بداخلها أعظم آيات الاعجاز الكوني؟
شيء رائع يفوق الخيال بجد.. أي انسان حتى لو ماكانش مهتم بالعلم ده او العلوم عموما فأكيد حب الجمال جواه هايخليه يبص لفوق ويتامل
يعنى كل ما الانسان زاد رقيا وحضارة.. شغله تامل السماء وتأملها وتدبر خلقها وأسرارها الكامنة
أتمنى ان موضوعاتي تلاقي قبول منكم واكون ضيفة خفيفة على قلوبكم
وبجد احب جدا أي حد يسأل او يستفسر
فرصة سعيدة ونتقابل في موضوع تاني قريب 
سلاااااااااااااااااااااااااااااام
|