أعتقد... بقلمي
أعتقد
أعتقد تحسبني بخيالك سراب
وأعتقد مر إبسمه إعيونك ضباب
مره أصيرن آنه بعيونك نبع
ومره بين إرموشك وخدّك دمع
ومره أضيع إويه التراب
شوفني
شوفني إبگلبك حبيبي
شوفني إبكل گطرة إحساس التمر بيك إعله غفله
ولمني طيف
إيبعثر إبخلگي المشاعر ... واعتنيك
واشتكي من إلساني اليقدّح عذاب
إنت متوهم إذا أزعل عليك
والله لو بيدي قوانين العواطف
أوّل الناس آنه أحط قيد إبإديك
لأن محتاجك تفزّز كل جرح حاول يطيب
ولأن محتاج الحياة إتصير أجمل
من أفوت آنه إبظميرك حتى أشوف المخفي بيك
گول وشما رايد إحچي
كلشي أرضه إتگوله إنت
وإنفض إهمومك عليه
وقوّس أشكال العبارات التريحك
رغم كل هذا أجيك
............
|