زماني عسى ما شر تركد جعل ما تهون
ما قد شفت مثلك وافين في مواجيبه

توليت قلبي بالعنا و الجروح فنون
و تحملتك لعين الذي طول الغيبه

هذاك الغلا و كل الحلا كنز(ن) و مدفون
بزينه على كل الملا فاز ترتيبه
تضمه عيوني ضمة الشايب المسجون
ليا ضم بنته و أدمت جروح تعذيبه

غلاه بضميري يشبه اللولو المكنون
و غلاي بضميره بير عذبه مشاريبه


و يا عاذلي وشفيك متضايق و مغبون
احبه و احبه لو تعدد عذاريبه
و ارحب ليا منه نوا بالحشا بالطعون
هلا مرحب(ن) يا طعون و الفين ترحيبه

و اذا تقول انا مجنون قلها.. انا مجنون
و جنون الغلا بي مبغي اعرف تطابيبه
و انا خابر انه ما نسى عهدي المصيون
و صدق الوله و الشوق ياتي و يقفي به
و عزاه يا قلب(ن) على صاحبه مشحون
و لجله تنحر ذا الزمان و لواهيبه
و عزاه يا كلمة ( احبك ) و انا المحزون
ليا قالها و العبره تجيه و تصيبه
زماني.. و عذالي ..بتبطون و تعجزون
و انا اموت ما انساه لو طالت الغيبه

:1 (7):انتظر ردوكم يالغوالي:1 (39):