الناس ربي من ترابٍ خلقها = وإنت الذي من جوهر الماس مخلوق
الناس ساواها الولي ما فرقها = بس إنت عن كل البشر صايرٍ فوق
إنت البحر فيك البواخر غرقها = وإنت السحاب اللي به أمطار وبروق
وإنت الجحيم اللي حياتي حرقها = وإنت النعيم اللي يشدن له الشوق
ألطف بروحي لا تسبب زهقها = وإلطف بقلبٍ من عنا الود محروق
واسق الورود اللي تساقط ورقها = وإلحق على جسمٍ غدا جلد وعروق

امر مـــر مــر فـي دنيتــي لــي = وامـرمــر مـــر لي في حــياتــي
الياجاني العاني وانا مامعي شــي = ودي تجيني قبل يأتــي وفـــاتــي
أن أعتذرته ظن ظــن الردى فــــي = وانا الردى ماهو صــفه من صفـاتي
أضحك وهليبه وانا منــكوي كــــي = من خــوفي التقصير في واجباتـــي
ومن لاأشتهـر بالجود صيته وهو حـي = ماطالعله صـــيت عـــقب الممـاتي

يا هم ياللى في خفى خافقي طلت= ارحل تــرى منصور قــرب رحيلــــــه
يا هم ؛ جاني ما كفاني ؛ وحصّلت = جسمي قضا وعضام جسمي نحيله
ياهم؛ انا اخفيتك؛ بصدري ولازلت = اخفيك خوف اهل النفــوس العــليلـــــه
اخاف قول اللى يقولون لو قلت = اللى سوالفهم ، عراضن طويــــلـــــــــــه
ولو حملوا سلمى مثل ما تحملت = صاحت ، ل اجا ، من جور حملن تشيله
ولو ان سنجار الجبل شال ما شلت= مبطي شكا،ضيــــم الحمول الثقيلـــه
أصبر، ولو شفت الزمن مال ما ملت= واقول يمكن يعتدل عقــــب

الذل انا ماارضاه مادمت حياء = ولاذل من هو في ذرا خالقه لاذ
اصبر ولولي مطلبي ماتهياء= لا سايل هذا ولا طلب هاذ
ارضا الضما مطلب من النذل مياء=واموت جوع ولااقصدالناس شحاذ
حلفت انامااطلب من الناس شياء=وضلعي على حقي حديد وفولاذ

ياللي طعنتـي القلـب بيـدك وانـا اشـوف = حــــرام قـلـبــك لــيــه مــــا مــرافـــه
ارحــم جـريــح حـبــك وبحـالـتـه روف = اللـي علـى شانـك حـلـى الـنـوم عـافـه
تركتنـي فـي ظلـمـة الـخـوف مكـسـوف = والبستـنـي ثــوب الـحــزن والكـسـافـه
يـابـو جـديـل فــوق الامـتــان مـنـسـوف = تلـحـق عـلــى روس ( .؟. ) ضـفـافـه
وعـيـون ســود وخـــد ونـهــود وردوف = الـيـا تبـسـم تـجـذب عـيـونـي رهـافــه
والــورك والفخـذيـن والـسـاق مـلـفـوف = والـوجـه نـاعـم ماشـكـى مــن جفـافـه
وجسم حسين الطول والخصر منحـوف = يبـقـى عـلـى تفـصـيـل لـبـسـه كـلافــه
ادعـج غنـج بالزيـن والملـح مـوصـوف = مـن يخطـفـه يمـلـك عــذر لأختطـافـه
فـي حـب ذاك الـزيـن مـغـرم وملـهـوف = الـلـي جـمـع بـيــن الـجـمـال وعـفـافـه
وياوجد حالـي وجـد مـن جيـب مكتـوف = حـطـوه فـــي سـجـنـه وشـــدو كـتـافـه
مطـلـوب دم ولحـظـة الـجـرم مشـيـوف = ( اخـو ) القتيـل اللـي لـه الثـار شـافـه
مــن جـيـب للتحـقـيـق بـــادوه بـكـفـوف = وسـجـل بتقـريـر السـجـون اعـتـرافـه
علـيـك يالـلـي لاجـلـك الـدمـع مــذروف = دمـعــي عـلــى فـرقــاك زاد انـذرافــه
انـــا عـلــى لـقـيـاك يـانــوف مـلـهــوف = والـهــم بـوســط الـقـلـب زاد الـتـفـافـه
يانوف باسمك صرت البي وانـا أطـوف = وكـــل ٍ يـلـبـي لـلـولـي فـــي طــوافــه
هـم يرتجـون الله وانـا ارجـيـك يـانـوف = ارجـيـك انــا رغــم ابتـعـاد المـسـافـه
ارجيك رجوى اللي مع الموج مجروف = الـمـوج حـطـم مركـبـه فــي انجـرافـه
فـي ليـل مظلـم واعتلـى فـوقـه الـطـوف = واطلق صراخ الصوت بااااخر مطافه
واجـــاوب الـنـايـح اذا نـــاح بــرفــوف = وامسـي مثـل ذيـب عـن الجـوع حافـه
ســوي ولـــو مـــره بـدنـيـاك مـعــروف = وتـمـاكـنــي قــلـــب بــدابـــه تــلافـــه
وروفــي بــال الـلـي طعنتـيـه بالـجـوف = الـلـي عـلـى ذكــراك صــار اعتكـافـه
وفـكـي اسـيـر بـيــن ايـاديــك مـوقــوف = فـكــي قـيــاده واسـمـحـي بـنـصـرافـه
وردي عـلـى وبــدري ظلـمـة الـخــوف = ولاتتركـيـنـي فـــي هـــوان ومـخـافــه
وان مـا رجعتيلـي فانـا امــوت يـانـوف = وإلاّ عـلــى دنـيــاي عـقـبـك حـسـافــه

انت القمر.. والشمس .. والارض .. والكون = وانت السماء وانت النجوم الرفيعه
وانت .. الذهب .. والماس غالي ومكنـون = يـادرة ٍ خسـران منهـو يبيـعـه
وانت الجمـال اللـي بـه القلـب مفتـون = وانت الحلا يانوركـل الطبيعـه
وانـت الامـل فـي كـل دنيـاي يانـون = بعدك شقى قلبي وقربـك ربيعـه
عنـدي فـلا مثلـك مـع النـاس مزيـون = ياكوكب ٍ غطـى الكواكـب لميعـه
منسـاك لا منسـاك وابلـيـس ملـعـون = أرجع علي فرقاك انا ما استطيعه
ولاجفاك لو تجفـاء ولـو خنـت ماخـون = وأدور وصلك لـو تـدور القطيعـه