|
رد: مُذكرات وخواطر عابر سبيل
السلام عليكم ورحمة الله وبركاته 
بقولكم قصة صارت لي زمان 
يقولكم كان عماد مع شلته جالسين في أحد مخططات مكة وإذا بواحد يقول شباب إيش رايكم نروح الطايف قلنا له قدام بس على حسابكـ قال إزهلوها على حسابي 
المهم وصلنا الطايف ولله الحمد وكان لصديقي منزل بالطايف فجلسنا عندهـ في البيت وقال واحد منا فين اللي يقول على حسابه بس تبغانا نجلس معاكـ في البيت ودينا مطعم وعشينا 
فقال أوكي ولا يهمكم
وراح لأحد الغرف ورجع ومعاهـ أشمغة وعقل وقال إلبسوا وتهندموا وإلحقوني على السيارة وسوينا مثل ماقال بالضبط مع إننا مستغربين من طلبه الغريب 
ونمشي بالسيارة ونفر نص الطايف إلا أن توقف معنا عند قصر أفراح طبعاً البعض فهم الهرجة 
والبعض كان فاهي ومايدري ليش وقف بنا عند قصر أفراح
المهم دخلنا القصر ورحنا في زاوية لوحدنا ننتظر العشا ويجينا واحد من الملاقيف ويسألني لأنه شافني أكبر واحد في الشلة إنت ولد مين
قلت له أنا ولد عبدالإله 
قال مين ولد عبدالإله
قلت له ما تعرف عبدالإله قال لي لا 
وراح وبعد شوية رجع ومعاهـ أبو المعرس وقال له تعرف هذولي ويقول الشايب لا وسألني الشايب إنت من أنت ولدهـ قلت له أنا ولد عبدالإله فقعد يفكر شوية وقال آها تذكرتكـ ولد عبدالإله سواق الباص تبع البنات قلت نعم
قال لي الله يرحمه وأنا قلت الله يدخله الجنة حتى آباء البنات كانوا جزنانين على موته الله يرحمه كان موته مفاجئ 
وقال لي كيف الأهل عساكم طيبين وأنا قلت والله الحمد لله طيبين 
ويقولي الباص لسى شغال وأنا رديت الصراحة هو موقف قدام البيت أفكر أصلحه وأشتغل عليه
وقال لي حياكـ الله بس باين عليكـ كبير أنا أتذكر إن ولدهـ صغير وأنا قلت له عادي كبرت مو كل الناس تكبر ويقول لي حياكـ الله إجلس ذحين يجي العشا باقي عليه شوية وبعدها نزل العشا وندق من النعمة والمندي بعد ما مشيت عليهم الفلم
وشوي يجي ولد صغير بالسن ما يتجاوز 13 سنة ويسلم على الشايب طبعاً كان بجنبي من أول ما دخلت القصر وهو متلزق فيني مو تاركني والشايب يسأل الولد إنت ولد مين
إيش تتخيلون كان الرد
ويطالع فيني الشايب وكأنه بياكلني 
وأنا أقوله معليش الأهل دقّوا علي يلا في أمان الله 
وإحنا خارجين من القصر يجينا الملقوف اللي أول مرة ويقول لنا بالعافية بالعافية
وإنتهت القصة بسلام 
التعديل الأخير تم بواسطة Emad Al-Malki ; 09-04-2012 الساعة 02:02 AM
|