بعد المحبه علامك مانـت طايقنـي > وانا على خبرك أشواقي هي أشواقي

اسلوبك اليـوم يقتلنـي ويحرقنـي > سؤال ابسألك وين اسلوبك الراقـي

حتى كلامك معـي بلحيـل مقلقنـي > والشك في داخلي ماعـاد ينطاقـي

ان كان قصدك تقول إرحل وفارقنـي > برحل ولكن مصير الحـي متلاقـي

وان كان قصدك تغلا وانت عاشقني > ابشـرك ماتغيـر شـي بعمـاقـي

وان كنت تمزح أمانه معك روقنـي > تراي مكسور خاطر وانكسر ساقـي

بس بصراحه من الآخـر وصدقنـي > صدمتني واستراحت . هقوة الهاقي

ياليتك تحس بحسـاس ٍ مضايقنـي > وياليت تقرى كلام ٍ داخـل احداقـي

حلمك منول فـي هالدنيـا تحققنـي > واليوم في بحر غدرك ناوي اغراقي

والحظ الاقشر يوم إنه فيك علقنـي > خلاني دايم على شوفتـك مشتاقـي

علمتني كيف ( أحبـك ) لاتوهقنـي > علمني ( أنسى ) ولا تستكثر الباقي

كنت احسب إنك اذا جيتك تعانقنـي > أثريك لا طايق ٍ شوفي ولا إعناقـي



مماراق لي