|
رد: مُذكرات وخواطر عابر سبيل
السلام عليكم ورحمة الله وبركاته ^^
تحية عطرة لكل من يمر على مدونتي المتواضعة 
أمس صارت لي قصة مرعبة 
القصة هي أنا كنت سهران وقاعد على المنتدى وتدق عليه أمي وتقولي إحنا في جدة تعال لنا وأنا قلت طيب مو خالي وداكم جدة ليش مايرجعكم 
قالت لي سيارة خالكـ تعطلت تعال ولا تكثر كلام 
أنا قلت حاضر الله يعينني أنا نعسان وما أقدر أسوق في هذي الحالة لكن بجي وأمري لله 
المهم أشغل السيارة وأحركـ وفي الخط مسرع وماسكـ أقصى اليسار وأول مالاحظته الخط اليسار اللي من المفروض إنه للمسرعين مزحوم والخط الأيمن سالكـ ومافيه ولا سيارة وأخش الخط الأيمن وأتجاوز السيارات والجو قلب أكشن وحرامي سيارات 
المهم وصلت جدة وأنا دايخ أبغى أنام وآخذ أهلي وهنا الطامة الكبرى وأنا راجع عيوني تغمض غصباً عني وكل ما حسيت بالنعاس أضرب نفسي لو تشوفوني شكلي صار نكتة كل شوية أضرب نفسي وأقول إصحى 
يوم تجاوزنا التفتيش اللي قبل بوابة مكة وأحس بالنوم في نفسي أقول مابقي إلا القليل خلاص دخلنا مكة وأنام وأنا ماشي 140 
وما أدري إلا الوالدة تقول عماد نمت يوم سمعت صوتها صحيت لولا الله ثم أمي كان نمت وصارت لنا داهية لكن الحمدلله عدّت على خير 
هذي نهاية السهر ومايسوي 
من يوم ورايح ماراح أسهر لأنو موقف لا ينسى الصراحة الحمدلله على سلامتي 
|