المشاركة الأصلية كتبت بواسطة الحزن عاشقني

السلام عليكم اخواني اخواتي الاعضاء
هذه قصيده رائعه اتمنى تنال اعجابكم

دولاب الحزن دوم احنه بينه يدور
وايام الفرح لليوم ماشفنه
ادور عالسبب ريت السبب موجود
اتغير هالوكت لو احنه التغيرنه
كثير أمن البشريحجون ويكولون
طايح حضه هذا الوكت محزنه
وبيهم من يقول الوكت نفسه الكان
بس الناس هيه اقلوبه معفنه
عافاني صديقي الكان من اسنين
راح وعاف كل الكان يجمعنه
كنه احباب طول العمر
شنهي الصار هسه وشنهي بدلنه
كضينه العمر كله بطيب وخلاص
واليوم الزعل مايوم حسبنه
صحبت هالوكت يردون دولارات
وسياره حديثه وقهقه ورنه
كثيره من الزلم بالمنضر اشيوخ
واذا تكشف الداخل تبتعد عنه
مو هذا الصديق اليرفع الراس
كون ايكون كده وطيبته بحسنه
عكب فقد الصديق العتب شيفيد
اذا هوه العتب ياناس باعدنه
بطلنه العتب مانعتب النوب
مادام لا ضل محب لا صاحب اليسمعنه
ياقلبي لا تعتب على العافوك
ضل الوحدك واليل خلصه بونه
ياهو المستحق تتعاتب انته وياه
حبيبك لو صديقك راح ماكنه
ماضن الوقت ينصلح ويردون
شنهي انقضي كل العمر نتمنه
قضينه العمر كله انعيش بحلام
وأحلام الوهم من عده ما حصلنه
بس ضيقت خلك والحزن بينه يدور
والفرحه ابد مايوم زارتنه
ردت افرح افرح ولو بالطيف
حتى الطيف محزن من يمر عدنه
لعد يمته الفرح يرتاح ويهيد
اذا بالنوم هم وقهر يلفنه
اوصف القلب مثل الماله خوان
وحيد العمر كله وغارق بهمه


كان المداد ادمعي
والقرطاس قلبي
والاقلام اناملي
تحياتي سيف