اليا أبتسمتي تبتسم دنيا الأحزان .. واليا زعلتي ضاقت الارض فيني
للّه حني وأفرحي لي على شان .. انسى ظروفي والعنا وأفرحيني
لاتسمعين لـ هرجة فلان وفلان .. لاتظلمين المبتلي الحزيني
إن هنت عندك غالي الحب ماهان .. وان هان حبي رحمةٍ ساعديني
واذا اعتبرتي الحب في يوم ماكان .. قولي كرهتي عشرتي صارحيني
أرحل بحبي بين طيّـات الازمان .. واعيش بالذكرى وباقي حنيني
أبعد لو إن القلب هايم وشفقان .. لـ رضاك انسى مامضى من سنيني
ياأغلى بشر عندي ويااعز أنسان .. بين الرجا والياس لاتذكريني
سليمان المانع