بكل سهوله"انتهينا" كلمه قالتها وراحت
وانا ماني قادر افهم شنهو معنى انتهينا
يعني ماعدنا حبايب وانهدم كل شي فينا
المحبه والاماني والسنين اللي قضينا
كان قلتي لي بالاول ترى هالرحله قصيره
مهما طال الحب فينا اعتبرنا مابدينا
وكان قلتي لي بالاول قبل ماتغرق تعلم
المحبه بحر لكن بحرها من غير مينا
شلون مامرت ببالي لحظة الفرقا حبيبي
وانك انت مثل غيرك والقدر ماهو بيدينا
ليت يااجمل وأغلى من عرفته في حياتي
ماعرفنا هالمحبه والا اصلاً ما التقينا
وين اسافر والجهات الاربعه وجهك حبيبي
عند هالحظه وقفنا هناك لو تذكر مشينا
وين اروح وكل ذكرى للمحبه فيها اسمك
وانت حتى ماانت فاهم شنهو يعني"انتهينا"

منقول