عجيب العشك مايرحم محبين
وعجيبه الناس تجرح بليحبون

واذا اكتب شعر كالولي بطران
واذا اغني بغزل كالولي مجنون

اي مجنون عاشق صرت ولهان
ماضلي عقل من شفت العيون

حقه المايشوفك ما يحس بيك
ومايدري بعيونك سابيه الكون
ــــــــــــــــــــــــــــــــــــــــــــــــــ ـــــ
واذا رايد اكمل واحجي باوصاف
انصحك الزم كليبك لينهار

جمال العين يجرح مايداويك
برمش مو رمش مثل السيف بتار

ماشايف بشر مابيه اغلاط
وصرت اني بتناسق عينه محتار
ــــــــــــــــــــــــــــــــــــــــــــــــــ ـ
شكد حاولت اركز عين بلعين
ولاكن من اركز تعمى عيني

مثل قرص الشمس لوردت تركيز
تغمض ماتقاوم نوره عيني

احلفلك سحرني وصوب الروح
واخذ كلبي وكياني وكل حنيني
ــــــــــــــــــــــــــــــــــــــــــــــــــ ـــــ
اول حرف من احروفه الهاء
غزال بجسم جن صاروخ روسي

يدوس اعلى الكلب كل لحظه يندار
ويصيح الكلب دوسي انوب دوسي

اوكف من يمر واخذله تعظيم
حرام ابجيته عندي الجلوسي

وجرام بجيته عندي الجلوسي